நிரப்பப்படாமல் இருக்கும் இடம்!

by **rammalar** Thu 26 Jun 2014 - 6:17

–

–
விவசாயி, உப்பளத் தொழிலாளர், நாடக நடிகர்
என 17 வகைத் தொழில்களில் ஈடுபட்டு
இறுதியில் கவிஞராக முத்திரைப்பதித்த
பட்டுக்கோட்டை கல்யாணசுந்தரம், ஆறு
ஆண்டுகளில் 58 திரைப்படங்களுக்கு 260
பாடல்களை எழுதித் தம் 29ம் வயதில்
அமரத்துவம் அடைந்தவர்.
-
இவரின் வாழ்க்கை வரலாற்றை இயக்குநர்
சாரோன் “பாட்டாளி படைப்பாளி ஆன வரலாறு’
என்ற தலைப்பில் ஆவணப்படமாக
இயக்கியிருந்தார். அதன் வெளியீட்டு விழா
சமீபத்தில் வாணி மஹாலில் நடைபெற்றது.
-
இசையமைப்பாளர் எம்.எஸ்.விஸ்வநாதன்
வெளியிட, இளையராஜா பெற்றுக்கொண்ட
இந்நிகழ்வில் மன்னர் மன்னனும், கவிஞர்
பொன்னடியானும் பட்டுக்கோட்டையாரை
நினைவு கூர்ந்தனர்.
-
எழுத்தாளர் பிரபஞ்சன் பேசும்போது
“இந்த ஆவணப்படத்தை இரண்டு முறை
முழுமையாகப் பார்த்தேன். இன்னொரு
முறையும் பார்க்க ஆசைப்படுகிறேன்.
அந்தளவுக்கு அவர் வாழ்க்கையை அழகாக
எடுத்திருக்கிறார் இயக்குநர் சாரோன்.
இந்த நேரத்தில் பட்டுக்கோட்டையாருக்குத்
தமிழகத்தில் மிகப்பெரிய இடத்தை ஏற்படுத்திய
இளையபாரதியைப் பாராட்ட வேண்டும்.
பட்டுக்கோட்டையார் இங்கே படித்தார்.
இங்கே வளர்ந்தார் என்பதுதான் ஆவணப்
படங்களில் பொதுவான அம்சம்.
ஆனால் சாரோன் அதை மாற்றிப் போட்டிருக்கிறார்.
ஒவ்வொரு பாடலும் எவ்வாறு பிறந்தது என்பதைக்
கொண்டு அந்த வரலாற்றைச் சொல்லியிருக்கிறார்.
பட்டுக்கோட்டை கல்யாணசுந்தரம் எப்படிப்பட்ட
கவிஞன் என்பதற்கு ஒரே ஒரு கருத்தைச் சொன்னால்
போதும் என்று நினைக்கிறேன். கவிஞன் என்பவன்
புதிதாகச் சொல்ல வேண்டும். சொற்சிக்கனத்தோடு
சொல்ல வேண்டும். அவன்தான் கவிஞன்.
-
“இருட்டு’ என்பதை “குறைந்த வெளிச்சம்’ என்கிறான்
பாரதி. ஓளிமயமான பாரதிக்கு ஏது இருட்டு,
-
தஞ்சாவூர் ஆற்றில் காவிரி ஓடிய காலம். அதைக்
கல்யாணசுந்தரம் எழுதுவதைப் பாருங்கள்.
சூழ்நிலை இதுதான். காவிரிக் கரையோரம் நாயகியும்
நாயகனும் பாதத்தைக் கீழே வைத்து நிற்கிறார்கள்.
அங்கே பாதம் மட்டுமே நனைகிற அளவுக்குத்தான்
தண்ணீர் இருக்கிறது. “பாதம் மட்டுமே நனைகிற
அளவு தண்ணீர்’ என்று சொல்லக்கூடாது. அப்படிச்
சொன்னால் அவன் கவிஞன் இல்லை. இதை எப்படிச்
சொல்ல வேண்டும்? பட்டுக்கோட்டையார்
சொல்கிறார்:

“காவிரிக்கரை ஓரத்திலே பாதம் பதுங்கும்
ஈரத்திலே’ இதுமாதிரி நூறு சொல்லலாம்
கல்யாண சுந்தரத்தின் சொல் நயத்தைப் பற்றி’
என்றார்.
-
சிறப்புரையாற்றிய வெ. இறையன்பு, “யார்
பாவப்பட்டவர்களாக இருக்கிறார்களோ, யார்
புறக்கணிக்கப்படுகிறார்களோ, யார்
வியர்வையைச் சிந்துகிறார்களோ, யார் காலம்
எல்லாம் துயரமடைகிறார்களோ அவர்களுடைய
வலிமைப் போக்குவதற்காகப் பாடல்களை
எழுதியவர்தான் மக்கள் கவிஞர் பட்டுக்கோட்டை
கல்யாண சுந்தரம். இந்த ஆவணப்படத்திலே
ஒரு முக்கியமான காட்சியைப் பதிவு
செய்திருக்கிறார்கள். “கண்ணின் மணிகள்’
நாடகத்தில் பட்டுக்கோட்டையார் காவலராக
நடிக்கிறபோது ஒரு காட்சியில் ஏழை
விவசாயிகளை அடிக்கவேண்டிய சூழல்
ஏற்படுகிறது.

அப்போது அவர்களை அடிக்காமல் “விவசாயிகளை
எப்படி அடிப்பது’ என்று சொல்லி மறுத்தவர்
கல்யாணசுந்தரம். நிறைய பேர்
ஸ்விட்சுவேஷனுக்காகப் பாடல் எழுதுவார்கள்
ஆனால் பட்டுக்கோட்டையார் ஸ்விட்சுவேஷனை
மாற்றுவதற்காகப் பாட்டு எழுதினார்’ என்றார்.
-
இறுதியாகப் பேசிய இசைஞானி இளையராஜா,
“பட்டுக்கோட்டையார் பாடலில் உள்ள நடை,
மொழி, சிந்தனை, நீரோடையைப் போன்ற
சொல்லோட்டம் திரைப் பாடல் துறையில்
அவருக்கான இடம் இன்னும் காலியாகத்தான்
இருக்கிறது’ என்றார்.
-
—————————
- பொன்ஜி (கல்கி)

by **ராகவா** Thu 26 Jun 2014 - 7:43

இளையராஜா, "பஞ்சமுகி" என்ற கருநாடக செவ்வியலிசை ராகத்தினை உருவாக்கியுள்ளார்.
"How to name it" என்ற இசைத்தொகுப்பினை முதலில் வெளியிட்டார் இளையராஜா. இசை ரசிகர்களுக்கு ஒரு புதிய பரிமாணத்தை அறிமுகம் செய்தது இந்த இசைத்தொகுப்பு. இத்தொகுப்பினை இசை மும்மூர்த்திகளில் ஒருவரான தியாகராஜ சுவாமிகள் மற்றும் மேற்கத்திய இசையமைப்பாளரான ஜே.எஸ்.பாஹ் ஆகிய இருவருக்கும் காணிக்கையாக்கினார்.
"Nothing But Wind" என்ற இரண்டாம் இசைத்தொகுப்பினை புல்லாங்குழல் கலைஞர் ஹரி பிரசாத் சௌராஸியாவுடன் இணைந்து வெளியிட்டார்.
"India 24 Hours" என்ற இந்திய பண்பாட்டின் பல்வேறு வர்ணங்களை விவரிக்கும் ஆவண-குறும்படத்திற்கு பின்னணி இசையினை அமைத்தார். இதில் வலி, மகிழ்ச்சி, ஏக்கம், நம்பிக்கை, உற்சாகம் போன்ற உணர்ச்சிகளை வெளிப்படுத்தும் விதமாக அமைந்திருந்தது சிறப்பாகும்.
1996 ஆம் ஆண்டு உலக அழகிப் போட்டியின் பல்வேறு நிகழ்ச்சிகளுக்கு இசையமைத்தார்.
"ராஜாவின் ரமண மாலை" என்ற இசைத் தொகுப்பினை எழுதி, இசையமைத்து வெளியிட்டார். இது ரமண மகரிஷிக்கு காணிக்கை செலுத்துவதாக அமைந்துள்ளது.
"இளையராஜாவின் கீதாஞ்சலி" என்ற பக்தி இசைத்தொகுப்பினை வெளியிட்டுள்ளார்.
ஆதி சங்கரர் எழுதிய "மீனாக்ஷி ஸ்தோத்திரம்" என்ற பக்திப்பாடலுக்கு இளையராஜா இசையமைத்துள்ளார்.
"மூகாம்பிகை" என்ற பெயரில் கன்னட பக்தி இசைத் தொகுப்பினை வெளியிட்டுள்ளார்.
மாணிக்கவாசகர் எழுதிய திருவாசகத்திற்கு, தெய்வீக அருளிசை வடிவில் இசையமைத்து வெளியிட்டுள்ளார்.

நிரப்பப்படாமல் இருக்கும் இடம்!

நிரப்பப்படாமல் இருக்கும் இடம்!

Re: நிரப்பப்படாமல் இருக்கும் இடம்!