இணைவைக்காமல் மரணித்தவர் சுவர்க்கம் செல்வர்

இணைவைக்காமல் மரணித்தவர் சுவர்க்கம் செல்வர்
அபூதர் (ரலி) அறிவிக்கிறார்கள்:-

நபி (ஸல்) அவர்களுடன் மதீனாவுடைய ‘ஹர்ரா’ என்ற (கறுப்புக்கற்கள்) நிறைந்த பூமியில் நடந்து கொண்டிருந்தேன். வழியில் உஹது மலை எமக்கு எதிர்ப்பட்டது. அப்போது நபி (ஸல்) அபூதர்ரே! என்று அழைத்தார்கள். நான் இதோ ஆஜராகி இருக்கிறேன்.

யாரஸ¥லல்லாஹ்! என்றேன். அப்போது நபி (ஸல்) என்னிடம் “இந்த உஹதின் அளவு தங்கம் இருந்து கடனை அடைப்பதற்காகவேயன்றி அதில் ஒரு தீனாரையாவது என்னிடம் வைத்துக் கொண்டு மூன்று இரவுகள் கழிவதையும் நான் விரும்பவில்லை. மாறாக அல்லாஹ்தலாவின் அடியார்களுக்கு இவ்வாறு, இவ்வாறு இவ்வாறெல்லாம் செலவழித்துவிடவே விரும்புகிறேன்”. என்று கூறி தனது வலப்புறமாகவும், இடப்புறமாகவும் காட்டினார்கள்.

முன்னால் நடந்து கொண்டே “நிச்சயமாக இப்போது அதிகமான பொருள் வைத்திருப்பவர்கள்தான் கியாமத்துடைய நாளில் மிகக்குறைவான நன்மைகள் வைத்திருப்பார்கள்.

அவர்களில் தனது பொருளை இவ்வாறு, இவ்வாறு இவ்வாறெல்லாம் கொடுத்தவர்களைத்தவிர” என்று கூறி தனது வலப்புறமாகவும், இடப்புறமாகவும் பின்புறமாகவும் காட்டிவிட்டு அப்படியானவர்கள் குறைவானவர்களே” என்று கூறினார்கள். பின்னர் என்னை நோக்கி “நான் திரும்பும் வரை இதே இடத்தில் இருந்து கொள்ளும்” என்று கூறிவிட்டு இரவின் இருளில் மறையும் வரை தொடர்ந்து நடந்தார்கள்.

அப்போது நான் உயர்ந்த சப்தம் ஒன்றைக் கேட்டேன். அதனால் நபி (ஸல்) அவர்களுக்கு யாரேனும் இடையூறு செய்துவிட்டார்களோ என்று அஞ்சி அவர்களிடம் செல்வதற்கு நினைத்தேன்.

எனினும், நான் உம்மிடம் திரும்பி வரும்வரை அங்கிருந்து நான் நகரவில்லை. நபியவர்கள் வந்ததும் அவர்களிடம் “நான் ஒரு சப்தத்தைக் கேட்டு அதனால் பயந்துவிட்டேன்.” என்று அச்சந்தர்ப்பத்தைப்பற்றி கூறினேன். அதற்கு நபி (ஸல்) நீர் அதனைக் கேட்டீரா?” என்று கேட்க, நான் “ஆம்” என்று கூறினேன்.

அது ஜிப்ரில் (அலை) ஆவார். என்னிடம் அவர்கள் வந்து “அல்லாஹ்வுத்தஆலாவுக்கு எதையும் இணைவைக்காமல் உமது உம்மத்தில் யார் மரணிக்கிறாரோ, அவர் சுவர்க்கத்தில் நுழைந்துவிடுவார்” என்று கூறினார்கள். அதற்கு நான் “அவர் விபசாரம் செய்தி ருந்தாலுமா? என்று கேட்டேன். அதற்க வர்கள் ஆம். விபசாரம் செய்திருந்தாலும் சரி, திருடியிருந்தாலும் சரி என்று கூறினார்கள். (நூல்: புஹாரி முஸ்லிம்)

நன்றி பாஸ் பகிர்விற்க்கு ##*