பலஸ்தீனுக்கு இலங்கை நிதியுதவி

by **நண்பன்** Sat 16 Aug 2014 - 9:09

பலஸ்தீனுக்கு இலங்கை நிதியுதவி
ஜனாதிபதி மஹிந்த ராஜபக்ஷ அவர்கள் பலஸ்தீனுக்கு ஒரு மில்லியன் அமெரிக்க டொலர்களை நிதியுதவியாக வழங்கு வதற்கான அறிவித்தலை விடுத்து இருக்கிறார்.

இவ்வறிப்பின் ஊடாகத் தாமும் தம் நாட்டு மக்களும் பலஸ்தீனினதும் பலஸ்தீன மக்களினதும் நண்பர்கள் என்பதை மீண்டும் ஒரு தடவை ஜனாதிபதி அவர்கள் உறுதிப்படுத்தியுள்ளார்.

அதேநேரம் காஸாவில் வன்முறைகள் நிறுத்தப்பட்டு பிராந்தியத்தில் அமைதி, சமாதானம் ஏற்படும் என்றும் அவர் இந்த அறிவிப்பில் நம்பிக்கையும் தெரிவித்துள்ளார்.

கடந்த ஜுலை மாதம் 13 ஆம் திகதி பலஸ்தீன நாட்டின் காஸா மீதான யுத்தம் ஆரம்பமானது. இதனால் பலஸ்தீன மக்கள் அதிக பாதிப்புகளுக்கு உள்ளானார்கள்.

இவ்வாறான சூழலில் ஜனாதிபதி மஹிந்த ராஜபக்ஷ அவர்கள் பலஸ்தீன் ஜனாதிபதி மஹ்மூத் அப் பாஸ¤டன் தொலைபேசி ஊடாகத் தொடர்புகொண்டு காஸா நிலைமை குறித்துக் கேட்டறிந்தார். அத்தோடு, அங்கு உயிரிழந்த வர்களுக்கும் காயமடைந்தவர்களுக்கும் தமது ஆழ்ந்த அனு தாபங்களையும் கவலையையும் அவர் தெரிவித்துக்கொண்டார்.

இந்த யுத்தத்தினால் காஸாவில் சுமார் 1960 பேரளவில் கொல்லப் பட்டுள்ளனர். 10, 200 பேர் காயமடைந்துள்ளனர். உயிரிழந்தவர் களிலும் படுகாயமடைந்தவர்களிலும் பெரும் பகுதியினர் அப் பாவி பெண்களும் சிறுவர்களுமாவர். இதனைப் பலஸ்தீனத் தக வல்களும் சர்வதேச ஊடகங்களும் உறுதிப்படுத்தயுள்ளன.

அதேநேரம் இவ்யுத்தம் காரணமாக சுமார் 11, 900 வீடுகள் முற்றாக அழிக்கப்பட்டுள்ளன. 5, 600 வீடுகள் அதிக சேதத்திற்கும் உள்ளா கியுள்ளன. அத்தோடு பள்ளிவாசல்கள் பொதுக் கட்டடங்கள் உட் பட உட்கட்டமைப்பு வசதிகளும் கூட அழிக்கப்பட்டும் சேதப் படுத்தப்பட்டுமுள்ளன.

இதன் விளைவாக சுமார் 18 இலட்சம் மக்கள் வாழும் காஸாவில் 5, 20, 000 பேர் இருப்பிடங்களை விட்டு இடம்பெயர்ந்துள்ளனர். அவர்களில் 2,73, 000 பேர் காஸாவிலுள்ள ஐ. நா. முகாம்களில் தங்கியுள்ளனர். இந்த யுத்தம் காரணமாக இருப்பிடங்களை விட்டு வெளியேறி இருப்பவர்களில் சுமார் 4,85,000 பேர் அவசர உண வுத் தேவைக்கு முகம் கொடுத்து இருப்பதாக அறிவிக்கப் பட்டுள்ளது.

இவ்வாறான சூழலில்தான் பலஸ்தீன மக்களின் நீண்ட கால நண் பனாக விளங்கி வரும் ஜனாதிபதி மஹிந்த ராஜபக்ஷ அவர்கள் பலஸ்தீனுக்கான இந்த ஒரு மில்லியன் அமெரிக்க டொலர்கள் நிதியுதவி அறிவிப்பை விடுத்திருக்கின்றார். இந்த அறிவிப்பு பலஸ்தீன மக்களிடம் நிச்சயம் பெரும் வரவேற்பைப் பெறும். அத்தோடு அது அவர்களுக்கு ஆறுதலாகவும், நிவாரணமாகவும் இருக்கும்.

ஜனாதிபதி மஹிந்த ராஜபக்ஷ அவர்கள் பலஸ்தீன மக்களின் நெருங்கிய நண்பராவார். அவர் அம்மக்களின் விமோசனத் திற்காகவும் சுபீட்சத்திற்காகவும் நீண்டகாலமாக ஒத்துழைப்புக் களை நல்கி வருகின்றார். அதனடிப்படையில் பலஸ்தீன ஒருமைப் பாட்டுக்கான இலங்கைக் கமிட்டியை ஸ்தாபித்து அதன் ஸ்தாபகத் தலைவராக சுமார் மூன்று தசாப்தங்கள் தொடராகத் தலைமை தாங்கிய பெருமையும் அவரையே சாரும்.

அந்த வகையில் தங்களின் சுபீட்சத்திற்காகவும் விமோசனத்திற் காகவும் தொடராக உழைத்துவரும் இலங்கைத் தலைவர் ஜனா திபதி மஹிந்த ராஜபக்ஷ அவர்களைக் கெளரவிக்கும் வகையில் பைத்தூனியா மாநகரிலுள்ள வீதியொன்றுக்கு 2007 ஆம் ஆண்டு நவம்பர் மாதம் அவரது பெயரை அம்மாநகர மக்கள் பிரதிநிதி கள் சூட்டினர்.

அதேநேரம் 2014 ஆண்டு ஜனவரி மாதத்தின் முற்பகுதியில் பலஸ்தீனுக்கு உத்தியோகபூர்வ விஜயத்தை மேற் கொண்டிருந்த இலங்கை ஜனாதிபதி அவர்களுக்கு அந்நாட்டு மக்களின் அதியுயர் விருதாகக் கருதப்படும் பலஸ்தீனின் நட்சத்திரம் என்று விருது வழங்கி கெளரவிக்கப்பட்டது.

இந்த விஜயத்தின்போது பலஸ்தீனர்களுக்குரிய இலங்கையின் அன்பளிப்பான மஹிந்த ராஜபக்ஷ தொழில் பயிற்சி நிலையத் தையும் ஜனாதிபதி அவர்கள் திறந்து வைத்ததுடன், பலஸ்தீனுக்கு இலங்கை ஆதரவு எப்போதும் உண்டு என்று குறிப்பிடவும் அவர் தவறவில்லை.

இவ்வாறு பலஸ்தீன மக்கள் குறித்து விசேட கவனம் செலுத்தி வரும் ஜனாதிபதி மஹிந்த ராஜபக்ஷ அவர்கள் அந்த மக்களின் உள் ளங்களில் தனியிடத்தைப் பிடித்திருக்கும் ஓர் மனித நேயத் தலைவராகவும் விளங்குகின்றார்.

தினகரன்

by **நண்பன்** Sat 16 Aug 2014 - 9:12

வரவேற்கிறேன் வாழ்த்துகிறேன்

அத்தோடு சொந்த நாட்டில் பசி பட்டினியில் உள்ள மக்களையும் கவனியுங்கள்

இத்தனை பெரிய விருதெல்லாம் பாலஸ்தீன் மக்கள் உங்களுக்கு தந்துள்ளது
ஆனால் இன்று நீங்கள் செய்ய நினைத்த உதவியை நிறுத்துமாறும் கொடுக்க வேண்டாம் என்றும் இரக்கமற்ற மோடயன் சில காவி உடையணிந்த சிங்கள தீவிர வாதிகள் தடுக்கிறார்கள்

இதெற்கென்ன முடிவு ..?

by **Nisha** Sat 16 Aug 2014 - 9:34

ஒரு மில்லியன் அமெரிக்க டாலர் உதவி செய்யும்படி இலங்கையிடம் சொந்தமாய் காசு இருக்காமா! அல்லது இதையும் உலகவங்கியிடம் கடன் பெறுமோ?

உதவி செய்வது என சொன்னபின் சரியான நேரம் சரியான் இடம் போய் சேரும் படி உதவட்டும்! பாராட்டுவோம்!

by **நண்பன்** Sat 16 Aug 2014 - 9:41

Nisha wrote:ஒரு மில்லியன் அமெரிக்க டாலர் உதவி செய்யும்படி இலங்கையிடம் சொந்தமாய் காசு இருக்காமா! அல்லது இதையும் உலகவங்கியிடம் கடன் பெறுமோ?

உதவி செய்வது என சொன்னபின் சரியான நேரம் சரியான் இடம் போய் சேரும் படி உதவட்டும்! பாராட்டுவோம்!

குடும்ப அரசியல் பல கோடிகள் அமெரிக்க வங்கியில் உண்டாகும் அதில் எடுத்து கொடுக்கட்டும் !*

by Sponsored content

பலஸ்தீனுக்கு இலங்கை நிதியுதவி

பலஸ்தீனுக்கு இலங்கை நிதியுதவி

Re: பலஸ்தீனுக்கு இலங்கை நிதியுதவி

Re: பலஸ்தீனுக்கு இலங்கை நிதியுதவி

Re: பலஸ்தீனுக்கு இலங்கை நிதியுதவி

Re: பலஸ்தீனுக்கு இலங்கை நிதியுதவி