நைஜீரியாவில் எபோலாவால் பாதிக்கப்பட்ட முதல் நபர் பூரண குணமடைந்து வீடு திரும்பினார்

ஆப்பிரிக்க நாடுகளில் வேகமாக பரவி வரும் எபோலா நோய்க்கு மரணத்தை தவிர மருந்து இல்லை என்று கூறப்படும் நிலையில் இந்நோய்க்கு பலியானவர்களின் எண்ணிக்கை ஆயிரத்தை கடந்துள்ளது.

நைஜீரியா நாட்டில் முதன்முதலாக பேட்ரிக் சாயெர் என்ற லைபேரியா ஆசாமி மூலம் எபோலா நோய் பரவியது. அவருக்கு அளிக்கப்பட்ட சிகிச்சை பலனின்றி பேட்ரிக் சாயெர் கடந்த ஜூலை மாதம் 20-ம் தேதியும், அவருக்கு சிகிச்சை அளித்த பெண் டாக்டர் 25-ம் தேதியும் அடுத்தடுத்து பலியாகினர்.

இதனைத் தொடர்ந்து, நைஜீரிய மக்களுக்கும் எபோலா கிருமித்தொற்று பரவத் தொடங்கியது.

இந்த தொற்றினால் முதன்முதலில் பாதிக்கப்பட்ட நைஜீரியாவை சேர்ந்த நபர் பூரணமாக குணமடைந்து ஆஸ்பத்திரியில் இருந்து ’டிஸ்சார்ஜ்’ செய்யப்பட்டதாக அந்நாட்டின் சுகாதாரத் துறை மந்திரி ஓன்யேபுச்சி சுக்வு தெரிவித்துள்ளார்.

நைஜீரியா முழுவதும் 12 பேர் எபோலா நோயால் பாதிக்கப்பட்டது உறுதி செய்யப்பட்டு, சிகிச்சை அளிக்கப்பட்டு வந்ததாகவும், அவர்களில் 4 பேர் இறந்து விட்டதாகவும், இந்த தொற்றினால் முதன்முதலில் பாதிக்கப்பட்ட நபர் பூரணமாக குணமடைந்து ஆஸ்பத்திரியில் இருந்து ’டிஸ்சார்ஜ்’ செய்யப்பட்டதாகவும், மேலும் 5 நோயாளிகள் முழுவதும் குணமடைந்து வருவதாகவும் அவர் தெரிவித்துள்ளார்.

லாகோஸ் நகரில் எபோலாவுக்கான சிறப்பு சிகிச்சை அளிக்கும் ஆஸ்பத்திரியில் 40 படுக்கைகளுடன் தனிப்பிரிவு அமைக்கப்பட்டுள்ளதாகவும், லாகோஸ் நகரில் எபோலா வைரஸ் தொற்றிய 189 பேரும், நாட்டின் தென்கிழக்கு மாநிலமான எனுகு-வில் ஆறு பேரும் தீவிரமாக கண்காணிக்கப்பட்டு வருவதாகவும் ஓன்யேபுச்சி சுக்வு குறிப்பிட்டுள்ளார்.

நன்றி:மாலை மலர்

அப்படியா!ரெம்ப ரெம்ப நல்லது!

தக்க மருந்துகள் கண்டு அனைவரும் காக்கப்படட்டும்!
உலகையே கிடுகிடுக்க வைத்த செய்தியாச்சே!