நத்தைகள் விபத்தைச் தேடிச் செல்கின்றன – கவிதை

by **rammalar** Wed 15 Oct 2014 - 17:10

-
ஒரு விநோதப்பூ

நான்கு சிறிய இதழ்கள்
அதன் மடியில் இன்னும் நான்கு சிறிய இதழ்கள்
அதன் மடியில் இன்னும் நான்கு என்று
ஒரு வசீகரமான விநோதச் சூழல்
-
நான் அதைக் குனிந்து வியந்து கொண்டிருந்த போது
நேற்று இந்த இடத்தில்
ஒரு பையன் இறந்து போனான் என்றார் நண்பர்
கணவனை இழந்த தாய்க்கு ஒரே பையன்
அடுமனை ஒன்றில் அன்றாடக் கூலிவேலை
அவனுக்கு ஒரே ஓர் உடல் குறைந்த தங்கை
நின்றிருந்த வாகனத்தின் மீது வேகமாக வந்து மோதி
தலை சிதறி மரணம் என்றார்.
-
மனிதன் விபத்துக்களை நாடிச் செல்கிறானா
என்றவர் கேட்டார் பிறகு
-
நாற்பது வயதில் ஒரு காதலில்
அகப்பட்டுக்கொண்டு இருக்கும் நண்பர்
கண்ணுக்குத் தெரியாத ஒரு நூலால் கட்டப்பட்ட
இரு மிருகங்கள் போல
அவர்கள் அந்தக் காதலில்
தத்தளித்துக் கொண்டிருந்தார்கள்
-
அவர்களால் அந்தக் கயிற்றிலிருந்து
தங்களை விடுவித்துக் கொள்ளவே முடியவில்லை
-
முயலும் போது இறுகி
அது அவர்கள் உயிரை அறுத்துக் கொண்டிருந்தது
-
ஒரு நீண்ட மௌனத்துக்குப் பிறகு
அவர் அந்தக் கேள்வியைத் திரும்பக் கேட்டார்
-
மனிதன் விபத்துக்களை நாடிச் செல்கிறானா?
-
நான் முன்தினம்
நெடுஞ்சாலையைக் கடக்க முயற்சித்த
நத்தை குடும்பத்தை நினைவு கூர்ந்து தேடினேன்
மனிதன் மட்டுமல்ல நத்தைகளும்
விபத்தைத் தேடிச் செல்கின்றன என்றேன்
-
டிசுகவரி சேனலில்
புலி ஒரு தீக்கடவுள் போல பற்றிப் பற்றி
அருகில் வரும் வரை
ஓரக்கண்ணால் பார்த்தவாறே மேயும்
புல்மான் கூட்டத்தையும் ஓர்த்து
உயிர்களின் ஆதார இச்சை அது என்று சொன்னேன்
-
ஆனால் மனிதனைப் போலவோ மான்களைப் போலவோ
அல்லாமல்
நத்தைகள் எவ்விதமோ அந்த விபத்துகளை
வெற்றிகரமாக தாண்டி விடுகின்றன
-
நேற்று நெடுஞ்சாலைக் கூட்டத்தைக் கடக்க முயற்சித்த
மொத்த நத்தைக் குடும்பமும்
பாலத்தின் மறுமுனையில் நின்றிருந்தது இன்று
வெயிலாட பத்திரமாக1
-
===================================
>போகன் சங்கர்
நன்றி– ஆனந்த விகடன்

by **Nisha** Wed 15 Oct 2014 - 17:12

நத்தைகள் குறித்த பகிர்வுக்கு நன்றி!

எங்கே போனீர்கள் ஐயா! ரெம்ப நாளாக உங்களை காண முடியவில்லையே! உடல் நிலை நன்றாக இருக்கின்றது தானே?

by **rammalar** Wed 15 Oct 2014 - 17:38

அன்பான விசாரிப்புக்கு நன்றி...
-
உடலும் உள்ளமும் நலமே..
-
குடும்ப அலுவல்கள் - சகலர் மகன் திருமணம்
முதலானவை...
-
தற்போது மனைவியுடன் சிங்கப்பூர்
வந்துள்ளேன்
-
மகள் மருமகன் குடும்பத்துடன் இங்கு மூன்று மாத
விசாவில் தங்கி இருக்கிறோம்...
-

by **Nisha** Wed 15 Oct 2014 - 17:42

அப்படியா! மிக்க மகிழ்ச்சி சார்! சிங்கப்பூர் குறித்த பகிர்வுகள் புகைப்படங்களை எங்களுடன் பகிருங்கள்!

குட்டீஸுகும் எங்கள் அன்பு வாழ்த்துக்களை தெரிவியுங்கள்.

விடுமுறை இனிமையாக செல்லட்டும்.

by Sponsored content

நத்தைகள் விபத்தைச் தேடிச் செல்கின்றன – கவிதை

நத்தைகள் விபத்தைச் தேடிச் செல்கின்றன – கவிதை

Re: நத்தைகள் விபத்தைச் தேடிச் செல்கின்றன – கவிதை

Re: நத்தைகள் விபத்தைச் தேடிச் செல்கின்றன – கவிதை

Re: நத்தைகள் விபத்தைச் தேடிச் செல்கின்றன – கவிதை

Re: நத்தைகள் விபத்தைச் தேடிச் செல்கின்றன – கவிதை