காத்திருக்கும் திமிங்கிலங்கள் -( கவிதை) - சமயவேல்

by **rammalar** Wed 22 Oct 2014 - 15:05

-பேத்தி சொல்லிவிட்டாள்...
'நாளைக்கு ஒரு நீலத் திமிங்கிலம் படம்
வரைய வேண்டும்’ என.

வெகுகாலத்திற்குப் பிறகு விடிகாலைக் கனவில்
கடலும் வெள்ளமும் சூழ
நீலப்பரப்பில் சிக்கித் தவித்தேன்.

எழுந்தவுடன் சார்ட் பேப்பரை எடுத்து
டேபிளில் விரித்துவைத்து
'தாத்தா இதில் பாதியளவு பெரிய திமிங்கிலம் வரையணும்
மதியம் அப்பா வருவதற்குள் முடித்துவிடுவாயா?’

'அறிவியல் புத்தகத்தில் திமிங்கிலம் இருக்கிறது ஆனால்
புத்தகம் கொண்டுவர மறந்துவிட்டது’ என்றாள்.
'நீ உன் திமிங்கிலத்தையே வரைந்து தா பரவாயில்லை.’

என் திமிங்கிலம் எப்படி இருக்குமாம்
'தாத்தா உன் கம்ப்யூட்டர்ல பாரேன்
நெறையா திமிங்கிலம் இருக்கும்’ என்றாள்.
ரத்திகா போன்ற அன்பான டீச்சர்களின்
அக்கிரமங்கள் பற்றி யோசித்தவாறே
கணினியைத் திறந்தேன்.
ஒரு லட்சம் திமிங்கிலங்கள் இருந்தன

திமிங்கிலங்களின் கடலில்
பென்சிலோடு தத்தளிக்கத் தொடங்கினேன்!

விகடன்

by **சுறா** Wed 22 Oct 2014 - 16:52

ஆமா ஆமா இந்த டீச்சர்ங்க படுத்துற டார்ச்சர் இருக்கே ஓவரு தான். பாவம் வீட்டுல இருக்குற தாத்தா பாட்டிகள்

காத்திருக்கும் திமிங்கிலங்கள் -( கவிதை) - சமயவேல்

காத்திருக்கும் திமிங்கிலங்கள் -( கவிதை) - சமயவேல்

Re: காத்திருக்கும் திமிங்கிலங்கள் -( கவிதை) - சமயவேல்