இந்திய கட்டுப்பாட்டு பகுதியில் சீன இராணுவம் ஊடுருவல்

இந்திய கட்டுப்பாட்டு பகுதியில் சீன இராணுவம் ஊடுருவல்

காஷ்மீர் மாநிலம் லடாக்கில் உள்ள பான்காங் ஏரி மற்றும் தரைப் பகுதியில் சுமார் 5 கிலோ மீட்டர் என ஒரு நேரத் தில் இருபகுதியில் சீன இராணுவம் அதன் வீரர்களை ஊடுருவ செய்துள்ளது என்று தகவல்கள் தெரிவித்துள்ளன.
பாதுகாப்பு துறையிடம் இருந்து வெளியான தகவலின்படி பான்காங் ஏரியில் இந்திய பகுதிக்குள் சீனா இராணுவ படகுகள் நுழைந்தன என்று தெரிவிக்கப்பட்டுள்ளது என்று அரசு தகவல்கள் வெளியாகியுள்ளன.
இந்தசம்பவம் கடந்த 22-ம் திகதி நடந்துள்ளது என்று தெரிவிக்கப்பட்டுள்ளது. இதற்கிடையே கிழக்கு லடாக் பகுதியில் உள்ள பான்காங் எரியின் வடக்கு கரைப்பகுதியில் கட்டப்பட்ட வீதியின் வழி யாக சீன இராணுவம் ஊடுருவ முயற்சி செய்துள்ளது என்று தகவல்கள் தெரிவித்துள்ளன. லே பகுதியில் இருந்து சுமார் 168 கிலோ மீட்டர் தொலைவில் உள்ள பான்காங் எரி இந்தியா - சீனா ஆகிய இரு நாடுகளுக்கும் உரியதாகும்.
சீனா இராணுவத்தின் ஊடுருவல் குறித்து எச்சரிக்கை அடைந்த இந்திய இராணுவம், அவர்களை தடுத்து நிறுத்தி இது எங்களுடைய எல்லைப்பகுதி என்று பதாகைகளை காட்டினர். இந்தோ திபெத்திய எல்லைப் படை, சீன இராணுவம் மற்றும் அவர்களது வாகனங்களை தடுத்து நிறுத்தியது. ஆனால் இருதரப்பினரும் இது எங்களுடைய பகுதி என்று பதாகைகளை காட்டியுள்ளனர்.
தொடர்ந்து இந்தோ திபெத்திய எல்லைப் படையினர், படகு மற்றும் வீதியின் வழியாக வந்த சீன இராணுவத்தினரை முன்னேற செய்யாமல் உறுதியாக நின்றனர். இந்திய இராணுவம் அனுமதிக்காததை அடுத்து அங்கிருந்து சீன இராணுவம் பின்வாங்கியது என்று தகவல்கள் தெரிவித்துள்ளன.

தினகரன்