குருவாயூர் கிருஷ்ணன் கோவிலில் செம்பை சங்கீத உற்சவம்…

-
—
பாலக்காடு :
குருவாயூர் கிருஷ்ணன் கோவிலில், வரும் 17ம் தேதி,
செம்பை சங்கீத உற்சவம் துவங்குகிறது. குருவாயூர்
கிருஷ்ணன் கோவிலில், கார்த்திகை மாதம் நடை
பெறும் ஏகாதசி திருவிழாவையொட்டி, செம்பை
சங்கீத உற்சவம் நடத்தப்படுவது வழக்கம்.
-
வரும் 17ம் தேதி, சங்கீத உற்சவம் துவங்குகிறது.
இதில், 3,000 இசைக்கலைஞர்கள் பங்கேற்கின்றனர்.
அன்று மாலை, 6:30 மணிக்கு, குருவாயூர் கோவில்
வளாகத்தில் உள்ள மேல்பத்தூர் கலையரங்கில்,
கேரள குடும்ப நலம் மற்றும் தேவஸ்தான துறை
அமைச்சர் சிவகுமார் உற்சவத்தை துவக்கி
வைக்கிறார்.
-
இந்தாண்டுக்கான குருவாயூர் தேவஸ்தானத்தின்
செம்பை நினைவு விருது, இசைக்கலைஞர் மாங்காடு
நடேசனுக்கு வழங்கப்படுகிறது. சிறப்பு விருந்தினராக,
இந்திய விண்வெளி ஆராய்ச்சிக்கழக தலைவர்
ராதாகிருஷ்ணன் பங்கேற்கிறார்.பிரபல கர்நாடக
சங்கீத கலைஞர்கள் இணைந்து பாடும் பஞ்சரத்ன
கீர்த்தனாலாபனம், டிச., 1ம் தேதி காலை, 9:00
முதல் 10:00 மணி வரை நடைபெறுகிறது.
-
ஏகாதசி திருவிழா நாளான டிச., 2ம் தேதி இரவு 10:00
மணிக்கு, மூத்த இசைக்கலைஞர்கள் கே.ஜி.ஜெயன்
மற்றும் டி.வி.கோபாலகிருஷ்ணன் தலைமையில்
நடக்கும் இறுதி கச்சேரியுடன், சங்கீத உற்சவம்
நிறைவு பெறுகிறது.திருவல்லா சிவானந்தன்,
திருவனந்தபுரம் சுரேந்திரன், வைக்கம் வேணுகோபால்,
ஹரி, செம்பை சுரேஷ் உள்ளிட்டோர் அடங்கிய குழுவினர்,
சங்கீத உற்சவ ஏற்பாடுகளை செய்து வருகின்றனர்
-
–தினமலர்