தேசிய கிரிக்கெட் அணியில் வடக்கு கிழக்கிலிருந்தும் விரைவில் வீரர்கள்

by **நேசமுடன் ஹாசிம்** Tue 18 Nov 2014 - 7:16

வடக்கு கிழக்கைச் சேர்ந்த ஒரு வீரர் இலங்கை தேசிய கிரிக்கட் அணியில் இணைந்து விளையாடுவது எப்போது என்பதை இலங்கை கிரிக்கட் தெரிவிக்குழுவின் தலைவர் என்ற வகையில் நான் ஆவலுடன் எதிர்பார்த்துக் காத்திருப்பதாக தபால் சேவைகள் பிரதியமைச்சர் சனத் ஜயசூரிய நேற்று பாராளுமன்றத்தில் தெரிவித்தார்.
இலங்கை தேசிய அணியில் வடக்கு கிழக்கைச் சேர்ந்த ஒருவரை பங்குபெறச் செய்வதற்கான அடித்தளம் அமைக் கப்பட்டுள்ளதாகவும் நேற்றைய தினம் நடைபெற்ற விளை யாட்டுத்துறை அமைச்சுக்கான நிதி ஒதுக்கீடு குறித்த குழு நிலை விவாதத்தில் கலந்து கொண்டு உரையாற்றும் போது பிரதியமைச்சர் குறிப்பிட்டார்.
முதல் முறையாக யுத்தம் முடிவடைந்ததன் பின்னர் வடக்கிற்கு டேர்ப் தளத்துடன் கூடிய நான்கு கிரிக்கெட் மைதானங்கள் அமைத்துக் கொடுக்கப்பட்டுள்ளன. பாடசாலை மட்டத்தில் கிரிக்கெட் அணிகளைப் பலப்படுத்தும் நடவடிக்கை களும் ஆரம்பிக்கப்பட் டுள்ளன.
குறிப்பாக 23 வயதுக்குக் கீழ் பட்ட வீரர்களைக் கொண்ட கிரிக்கெட் அணிகளை மாவட்ட மட்டத்தில் தெரிவுசெய்து அவர்களிலிருந்து தேசிய மட்டத்திற்கு தரமுயர்த்தவும் அவர்களிலிருந்து இலங்கை தேசிய கிரிக்கெட் அணிக்கு வீரர்களை இணைத்துக்கொள்ளும் இலக்குடன் தான் செயற்படுவதாகவும் பிரதியமைச்சர் தெரிவித்தார்.