ந.க. துறைவன் கூழாங்கற்கள்...!!

by **ந.க.துறைவன்** Thu 22 Jan 2015 - 6:32

First topic message reminder :

காத்திருப்பு…!!
*
காத்திருக்கும் போது
யாரும் சீக்கிரம்
வருவதில்லை
வெளியே
போய்விட்டப் பின் வந்துக்
காத்திருக்கிறார்கள்.
*
தறுதலையாய்ச் சுற்றித்
திரிந்த மகன்
திருந்தவேயில்லை என்று
கடைசி வரை
வருந்தினாள் தாய்….!! .

*

அருமை அருமை
தொடருங்கள்

by **ந.க.துறைவன்** Thu 28 May 2015 - 13:33

நன்றி இனியவன்...

by **ந.க.துறைவன்** Tue 2 Jun 2015 - 7:03

பரபரப்பு….!!
*
உக்கிரமான கோடை வெயில்
உற்சாகமான மக்களை
அலுக்க வைக்கின்றன.
நடப்பவர்கள் புழுங்குகிறார்கள்
நடைபாதை வியாபாரிகள்
பழகிவிட்டார்கள்
முகங்களில் முகமுடியணிந்து
பறக்கிறார்கள் இருசக்கர
வாகனங்களில்
குளிர்சாதனம் பொருத்தி
கார்களில் இருப்பவர்கள்
வெயில் பற்றிய கவலையில்லை
நிழல்தேடி சோர்வில் ஒதுங்க
நினைப்பவர்கள் இருப்பிடமின்றி
தவித்து அலைகிறார்கள்.
தேனீர் கடைகளில்
சுமாரானக் கூட்டம்
குளிர்பானக் கடைகளில
கூட்டமோ கூட்டம்
கையில் பொருட்கள் வாங்கிய
கடையின் விளம்பரப் பைகள்.
நகரங்களில் நன்றாகவே
நடக்கின்றது வியாபாரம்
மனிதர்களின் முகங்களில்
நிலவுகிறது
தற்காலிக ஆரவாரம்.

*

by **ந.க.துறைவன்** Fri 5 Jun 2015 - 6:20

மனஅலைகள்…!!
*
கடற்கரையில்
சுண்டல் விற்கும்
சிறுவர்கள் அறிவார்கள்
எத்தனையோ?
காதலர்களின் துயர
மனோ தத்துவம்.

*

by **ந.க.துறைவன்** Thu 2 Jul 2015 - 6:18

அவளா…!!
*
என்னைத் தெரியவில்லையா?
என்று கேட்டாய்.
தெரியவில்லையே என்றேன்
நான் தான் அவள்.
எவள்?
ஓ…நீ…. தான்
அந்த அவளா???.

*

by **நண்பன்** Sun 5 Jul 2015 - 7:50

ந.க.துறைவன் wrote:மனஅலைகள்…!!
*
கடற்கரையில்
சுண்டல் விற்கும்
சிறுவர்கள் அறிவார்கள்
எத்தனையோ?
காதலர்களின் துயர
மனோ தத்துவம்.

*

உண்மைதான் சில படங்களிலும் பார்த்திருக்கிறேன்

by **ந.க.துறைவன்** Mon 13 Jul 2015 - 4:57

உள்ளிருப்பு…!!
*
உன்னைப் பார்த்ததாக
அம்மா வந்துச் சொன்னாள்
அப்பப் பார்த்தவளா இல்லை
மெலிந்திருக்கா சோம்பி
முகம் தெளிவில்லை எதையோ
பறிகொடுத்தவ மாதிரியிருக்கா?
மனம்விட்டு எதையும்
சொல்ல மறுக்கிறா?
நீ போயி தா அவகிட்ட
பேசிப் பாரேன்.
ஊங்கிட்ட வாச்சும்
கஷ்டத்தைச் சொல்லி….
நான் போயி எப்படிம்மா?
அவளிடம் கேட்பது?
நாளும் குமைந்துக்
கொண்டிருப்பவளிடம் போய்
எத்தனைப் பேர் கேட்டாலும்
உள்ளிருப்பதை வெளியில்
சொல்லுமா வெந்த மனம்….??
*

*

by **ந.க.துறைவன்** Sun 26 Jul 2015 - 6:29

எந்த டீ பிடிக்கும்…?
*
உங்களுக்கு கிரீன் டீ பிடிக்குமா?
உங்க எண்ணத்திற்கு பச்சை கொடி காட்டும்.
*
உங்களுக்கு லெமன் டீ பிடிக்குமா?
உங்க மனம் பாதுகாப்பைத் தேடும்
*
உங்களுக்கு பிளாக் டீ பிடிக்குமா?
உங்க மனம் வெறுப்பில் இருக்கிறது என்று அர்த்தம்.
*
உங்களுக்கு சைனா டீ பிடிக்குமா?
உங்களுக்கு பயந்த சுபாவம் உண்டெனலாம்
*
உங்களுக்கு பிளாக் & வையிட் டீ பிடிக்குமா?
உங்களுக்கு மனக்கலக்கம் அதிகமுண்டு.
*
உங்களுக்கு திரிரோசஸ் டீ பிடிக்குமா?
உங்கள் மனம் அன்பு ஆசை காதல்
மூன்றுக்கும் அடிமை.

*

by **ந.க.துறைவன்** Thu 6 Aug 2015 - 7:00

மன அவசங்கள்…!!
*
மௌனமாய் இருப்பதாகத் தெரிகிறது
பரந்த வெளியெங்கும் சூழ்ந்திருக்கும்
மனஅவசங்கள் தோற்றத்தில் உள்ளதைச்
சற்றே வெளியேற்ற வழிதேடுகிறது மனம்.
அவரவர்களுக்குள்ளேயே பகிர்ந்து
வெளியில் சொல்ல இயலாது உள்ளே
தீயெனப் பற்றி எரியும் பிரச்சினைகள்
எங்கும் ஓயாதப் போராட்டங்கள்
ஆர்ப்பாட்டங்கள் உண்ணாநோன்புகள்
நிகழ்த்திய வண்ணமாய் ஊழியர்கள்.
பொதுமக்கள் என்றேனும் தீர்வுக்
காணலாமென்றக் கனவுகளோடு
வாழ்ந்துக் கழிக்கின்றனர்
நாள்தோறும் தகவல்கள் எதிர்ப்பார்த்து
உட்கார வைத்திருக்கிறது ஊடகங்கள்.
பேச்சு வார்த்தைத் தோல்வியென்றத்
தலைப்புச் செய்தியோடு முடிந்தது
இன்றொரு நாள்….!!

*

by **ந.க.துறைவன்** Sat 8 Aug 2015 - 6:47

கைப் பிடித்து…!!
*
1.
எந்த மொழியில்
பேசுகிறான் என்று
தெரியவில்லை
சூரியன்.
2.
பார்வையற்றவரைக்
கைபிடித்து
அழைத்துப் போகிறான்
காற்று.
*

by **ந.க.துறைவன்** Thu 13 Aug 2015 - 7:23

தேடல்
*
நீ தேடுவது என்னிடமிருக்கிறது
நான் தேடுவது உன்னிடமிருக்கிறது
நமக்குள்ளிருக்கும் தேடல்
மின் உணர்வாகப் பாய்ந்து
இருவரையும் இணைக்கின்றது
பொல்லாதக் காதல்.
*

by **ந.க.துறைவன்** Mon 17 Aug 2015 - 4:08

நீர்…!!
*
நீரே உயிர் நீரே இரத்தம்
நீரே சுவாசம் நீரே உணவு
நீரே உணர்வு நீரே உறவு
நீரே விந்து நீரே நாதம்
நீரே வாழ்க்கை நீரே சந்ததி
நீரே அமைதி நீரே நம்மதி
நீரே பிரம்மம் நீரே கர்மம்
நீரே நித்தியம் நீரே சத்தியம்!!.

*

சிறப்பான கவிதைகள்

by **ந.க.துறைவன்** Thu 3 Sep 2015 - 7:12

விதி..!!
*
அதிகாலை வேளைத் தவிர
மற்ற பொழுதுகளில்
கொதிப்பேற்றும் வெயிலில்
பாதையோரச் செடிகளில்
காய்ந்து கருகி வாடுகிறது
மலர்கள்
மனிதன் வாடினால் விதி
மலர்கள் வாடினால் நியதி.
*
நடந்ததை வெளியில்
சொன்னால் வெட்கம்
எவரிடமேனும் சொல்லி
பகர்ந்திடாவிட்டால்
தாங்கமுடியாதத் துக்கம்.
மனமொரு
இருதலைக்கொள்ளி.
இதற்கில்லை முற்றுப்புள்ளி.

*

by **நண்பன்** Thu 3 Sep 2015 - 8:43

ந.க.துறைவன் wrote:தேடல்
*
நீ தேடுவது என்னிடமிருக்கிறது
நான் தேடுவது உன்னிடமிருக்கிறது
நமக்குள்ளிருக்கும் தேடல்
மின் உணர்வாகப் பாய்ந்து
இருவரையும் இணைக்கின்றது
பொல்லாதக் காதல்.
*

அருமை அருமை

by **நண்பன்** Thu 3 Sep 2015 - 8:44

ந.க.துறைவன் wrote:விதி..!!
*
அதிகாலை வேளைத் தவிர
மற்ற பொழுதுகளில்
கொதிப்பேற்றும் வெயிலில்
பாதையோரச் செடிகளில்
காய்ந்து கருகி வாடுகிறது
மலர்கள்
மனிதன் வாடினால் விதி
மலர்கள் வாடினால் நியதி.
*
நடந்ததை வெளியில்
சொன்னால் வெட்கம்
எவரிடமேனும் சொல்லி
பகர்ந்திடாவிட்டால்
தாங்கமுடியாதத் துக்கம்.
மனமொரு
இருதலைக்கொள்ளி.
இதற்கில்லை முற்றுப்புள்ளி.

*

மனமொரு
இருதலைக்கொள்ளி.
இதற்கில்லை முற்றுப்புள்ளி.
சியர்ஸ்

by **ந.க.துறைவன்** Thu 3 Sep 2015 - 10:08

மிக்க நன்றி நண்பன்....

by **ந.க.துறைவன்** Thu 10 Sep 2015 - 7:55

வாழ்நாள்…!!
*
வாழ்க்கை எதுவென்று
யாரும் கேட்பதில்லை
வாழ்க்கை இது தானென்று
எவரும் சொன்னதில்லை.
எதுவாகவோ இயங்கி
மெதுவாகவே கழிகிறது
ஆமை வேகமாய் பயணித்து
ஒவ்வொருவரின் வாழ்நாள்

*

by **நேசமுடன் ஹாசிம்** Thu 10 Sep 2015 - 8:15

ந.க.துறைவன் wrote:வாழ்நாள்…!!
*
வாழ்க்கை எதுவென்று
யாரும் கேட்பதில்லை
வாழ்க்கை இது தானென்று
எவரும் சொன்னதில்லை.
எதுவாகவோ இயங்கி
மெதுவாகவே கழிகிறது
ஆமை வேகமாய் பயணித்து
ஒவ்வொருவரின் வாழ்நாள்

*

சத்தியமான உண்மை அண்ணா

by **ந.க.துறைவன்** Sun 4 Oct 2015 - 6:42

மிக்க நன்றி நிசா....

by **ந.க.துறைவன்** Sun 4 Oct 2015 - 6:42

அழுதவள் சிரித்தாள்…!!
*
இரவு அழுதவள்
காலையில் சிரித்தாள்
என்னவென்று கேட்டேன்?
ஒன்றுமில்லை என்று
ஒதுங்கி நின்று சொன்னாள்.
*
மலராய் சிரித்தத்
தேவதைக் கண்டேன்
தேவை எதுவென
அவளிடம் கேட்டேன்
சொல்லாமல் தலைகவிழ்ந்த
மௌனம் ரசித்தேன்.

*

by **ந.க.துறைவன்** Fri 9 Oct 2015 - 6:47

பூவழகி…!!
*
அழகிய மலரே அழகிய மலரே
காற்று உன்னைத் தழுவக் கண்டேன்
பனியில் குளிரில் நடுங்கும்போது
போர்வையில்லாமல் வாடக் கண்டேன்
ஆசையாய் பறித்து உள்ளங்கையில்
அணைத்துக் கொண்டு, மெல்லிய
விரல்களால் போர்த்தி விட்டேன்.
பொன்மேனி சிலிர்க்கக் கண்டேன்
என் உள்ளத்தில் நீயோ நறுமணமாய்
புகுந்துக் கொண்டாய். பூவழகி.
*

*

by **ந.க.துறைவன்** Fri 9 Oct 2015 - 6:48

பூவழகி…!!
*
அழகிய மலரே அழகிய மலரே
காற்று உன்னைத் தழுவக் கண்டேன்
பனியில் குளிரில் நடுங்கும்போது
போர்வையில்லாமல் வாடக் கண்டேன்
ஆசையாய் பறித்து உள்ளங்கையில்
அணைத்துக் கொண்டு, மெல்லிய
விரல்களால் போர்த்தி விட்டேன்.
பொன்மேனி சிலிர்க்கக் கண்டேன்
என் உள்ளத்தில் நீயோ நறுமணமாய்
புகுந்துக் கொண்டாய். பூவழகி.
*

by **ந.க.துறைவன்** Thu 29 Oct 2015 - 12:59

தவிப்பு…!!
*
அவன் சொன்னதை
அவள் தவறாக நினைத்தாள்
அவள் சொன்னதை
அவன் தவறாக நினைத்தான்.
பதட்டமானப் பேச்சில் நேர்ந்த
புரிதலின்மையில்
இருவரும் பேசிக்கொண்டது
வேறுவேறல்ல.
ஒரே சொல்லாடலால்
இருவருமே தள்ளாடல்.

*

by **ந.க.துறைவன்** Tue 24 Nov 2015 - 7:32

வெகுளித்தனம்…!!
*
புத்திசாலியை, பைத்தியக்காரனைப்
புரிந்துக் கொள்ளலாம்.
புரிந்துக் கொள்ள முடியாமல் போகலாம்
புதிராகவே எப்பொழுதும்
புரிந்துக் கொள்வதற்கும்
புரியாமல் போவதற்கும்
புரிய வைப்பதற்கும்
சிரமமாக இருப்பவனே
இரண்டாங் கெட்டான்.
எப்படியோ?
சமாளிப்பான் அறி்வாளி
சங்கடப்படுவான் வெகுளி.

*

by Sponsored content

ந.க. துறைவன் கூழாங்கற்கள்...!!

ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!

Re: ந.க. துறைவன் கூழாங்கற்கள்...!!