தனியான நீதிமன்றங்களை அமைக்கும் நடவடிக்கைகளை துரிதப்படுத்துங்கள்

மாநில முதலமைச்சர்களுக்கு மத்திய அமைச்சர் கடிதம்
ஊழல் வழக்குகளை விசாரிப்பதற்காக தனியான நீதிமன்றங்களை அமைக்கும் நடவடிக்கைகளை தீவிரப்படுத்துமாறு கோரி, மாநில முதல்- மந்திரிகளுக்கு மத்திய சட்ட மந்திரி வீரப்ப மொய்லி கடிதம் எழுதி இருக்கிறார்.

சி.பி.ஐ.யின் விசாரணையில் உள்ள ஊழல் வழக்குகளை விசாரிக்க நாடு முழுவதும் 71 நீதிமன்றங்கள் அமைக்கப்படும் என்று கடந்த ஆண்டு பிரதமர் மன்மோகன் சிங் அறிவித்தார்.

அதன்படி இதுவரை 10 தனி நீதிமன்றங்கள் மட்டுமே அமைக்கப்பட்டு உள்ளன.

அமைப்பதற்கான நடவடிக்கைகளை துரிதப்படுத்துமாறு கோரி மத்திய சட்ட அமைச்சகத்துக்கு பிரதமர் அலுவலகம் சமீபத்தில் கடிதம் எழுதி இருந்தது.

இந்த நிலையில், இந்த பிரச்சினை தொடர்பாக, மாநில முதல்- மந்திரிகளுக்கு மத்திய சட்ட மந்திரி வீரப்ப மொய்லி கடிதம் எழுதி இருக்கிறார்.

அந்த கடிதத்தில் அவர் கூறி இருப்பதாவது,

சி.பி.ஐ. விசாரித்து வரும் ஊழல் வழக்குகளை விசாரிக்க நாடு முழுவதும் 71 தனி நீதிமன்றங்கள் அமைக்கப்படும் என்று பிரதமர் அறிவித்ததை நினைவுபடுத்த விரும்புகிறேன். இதற்கான நிதியை மத்திய அரசு வழங்கும். மேலும் எந்த பகுதியில் தனிநீதிமன்றங்கள் தேவைப்படுகிறது? எங்கு அவற்றை அமைக்கலாம் என்பது பற்றி மாநில அரசுகள் தரிவிக்க வேண்டும்.

இவ்வாறு அந்த கடிதத்தில் வீரப்ப மொய்லி கூறி உள்ளார்.

அதேபோல் மாநிலங்களில் உள்ள 21 உச்ச நீதிமன்றங்களின் தலைமை நீதிபதிகளுக்கும் அவர் கடிதம் எழுதி இருக்கிறார்.

அதில், ஊழல் வழக்குகள் பெருகி வருவது குறித்து கவலை தெரிவித்துள்ள வீரப்ப மொய்லி, அந்த வழக்குகள் விரைவாக விசாரித்து முடிக்கப்படுவதில் அரசு ஆர்வம் காட்டுவதாகவும் குறிப்பிட்டு இருக்கிறார். இந்த பிரச்சினை தொடர்பாக தலைமை நீதிபதிகளின் கருத்துக்களையும் அவர் கேட்டு இருக்கிறார்.