ரூ. 64 இலட்சம் பெறுமதி: வெளிநாட்டு கரன்ஸிகளை கடத்தும் முயற்சி முறியடிப்பு

by **நண்பன்** Mon 4 May 2015 - 12:25

ரூ. 64 இலட்சம் பெறுமதி: வெளிநாட்டு கரன்ஸிகளை கடத்தும் முயற்சி முறியடிப்பு

கட்டாருக்கு சுமார் 64 இலட்சம் ரூபா பெறுமதியான வெளிநாட்டு கரன்ஸிகளை கடத்த முற்பட்ட இலங்கைப் பிரஜையொருவர் நேற்றுக் காலை சி.ஐ.டி. யினரால் கட்டுநாயக்கா விமான நிலையத்தில் வைத்து கைது செய்யப்பட்டார்.
இச்சம்பவம் நேற்றுக்காலை 4.35 மணியளவில் இடம்பெற்றது. கட்டுநாயக்காவிலிருந்து கட்டாரின் தலைநகர் டோஹா நோக்கி நேற்றுக்காலை புறப்படவிருந்த 669 க்யூ. ஆர் என்ற விமானத்தில் செல்லவிருந்த மேற்படி நபரின் பயணப் பொதியிலிருந்தே மேற்படி கரன்ஸிகள் மீட்கப்பட்டுள்ளன.
கைது செய்யப்பட்டவர் 39 வயதானவர். இவரிடமிருந்து 45 ஆயிரத்து 420 அமெரிக்க டொலர்கள், 5 ஆயிரத்து 225 தினார்கள் மற்றும் 19 ஆயிரம் இலங்கை ரூபா ஆகியனவே கைப்பற்றப் பட்டுள்ளன.
இவற்றின் மொத்த பெறுமதி இலங்கை ரூபாய்ப்படி 63 இலட்சத்து 62 ஆயிரத்து 746 ரூபாவாகுமென சுங்க திணைக்களப் பேச்சாளர் சட்டப் பணிப்பாளர் லெஸ்லி காமினி கூறினார்.
கைப்பற்றப்பட்ட வெளிநாட்டு கரன்ஸிகள் பறிமுதல் செய்யப்பட்டன. சி.ஐ.டி.யினர் மேலதிக விசாரணைகளுக்காக சந்தேக நபரை சுங்க அதிகாரிகளிடம் ஒப்படைத்துள்ளனர். விசாரணைகள் தொடர்ந்தும் முன்னெடுக்கப்படுகின்றன.