ஜேர்மனியில் 2ஆம் உலகப் போர் குண்டால்; 20,000 பேர் வெளியேற்றம்

by **நண்பன்** Thu 28 May 2015 - 11:30

ஜேர்மனியில் 2ஆம் உலகப் போர் குண்டால்; 20,000 பேர் வெளியேற்றம்

இரண்டாம் உலகப் போரில் வெடிக்காத 200 கிலோகிராம் குண்டொன்று கண்டுபிடிக்கப்பட் டதை அடுத்து மேற்கு nஜர்மனி நகரான கொலோனில் சுமார் 20,000 பேர் பாதுகாப்பான இடத் திற்கு அப்புறப்படுத்தப்பட்டுள்ளனர்.
பாடசாலைகள், பாலர் பாட சாலைகள் நேற்று மூடப்பட்ட தோடு மருத்துவமனை ஒன்றில் இருப்போரை அப்புறப்படுத்து வதற்காக சம்பவ இடத்திற்கு பல டஜன் அம்புலன்ஸ் வண்டிகளும் விரைந்துள்ளன. ரைன் ஆற்றின் மேலால் இருக்கு பாலத்திற்கு அருகிலேயே இந்த குண்டு கண்டுபிடிக்கப்பட்டுள்ளது.
இந்த குண்டை நேற்று பின்னேரத்தில் செலிழக்கச்செய்ய திட்டமிடப்பட்டிருந்தது. அந்த காலத்தில் குறித்த ஆறு முடப்பட்டு படகு போக்குவரத்துகள் முடக்கப்படும் என்றும் வான் பகுதியும் மூடப்படும் என்றும் அதிகாரிகள் அறிவித்திருந்தனர்.
இரண்டாம் உலகப் போர் முடிவடைந்து 70 ஆண்டு ஆகியுள்ள நிலையிலும் அப்போதைய வெடிக்காத குண்டுகள் nஜர்மனியில் தொடர்ந்து கண்டுபிடிக்கப்பட்டு வருகிறது. குறிப்பாக பிரதான நகரங்களில் மேற்கொள்ளப்படும் கட்டுமானப்பணிகளின் போதே இந்த குண்டுகள் கண்டுபிடிக்கப்படுகின்றன.
இரண்டாவது உலகப் போரில் கொலோன் நகர் நேச நாட்டு படையால் அதிகம் இலக்கு வைக்கப்பட்டது.