“அபூர்வ மகான்.’ -திரைப்படம்

-
ஷீரடி சாய் பாபாவின் வாழ்க்கைச் சம்பவங்களை
மையமாக –
“தலைவாசல்’ விஜய் பாபாவாக நடிக்கிறார்.
-
சாய்முரளி, ரஞ்சனி, எம்.எஸ்.பாஸ்கர், சுமன் உள்ளிட்ட
பலர் கதையின் முக்கிய கதாபாத்திரங்கள் ஏற்கிறார்கள்.
-
பாபாவின் வாழ்க்கை சம்பவங்களைத் தொகுத்து
கதை, திரைக்கதை எழுதி கே.ஆர். மணிமுத்து
இயக்குகிறார். படம் குறித்து இயக்குநர்… “இந்த
உலகில் வாழ்ந்து மறைந்த அபூர்வ மகான் பாபா.
அவரின் வாழ்க்கை பலருக்குமான பாடம். அதை
உண்மைக்கு நெருக்கமாக இருந்து படமாக்கி
இருக்கிறேன்.
-
பாபா வேடத்தில் நடிக்க வைக்க நடிகர்களைத் தேடும்
வேலை சிரமமாக இருந்தது. நிறையத் தேர்வுகளுக்குப்
பின் “தலைவாசல்’ விஜய் அதற்கு பொருத்தமாக
இருந்தார். கேட்டதும், “அது பெரும் வேலை. அது என்னால்
முடியாது’ என அவர் மறுத்து விட்டார்.
-
பிறகு மேக்கப் டெஸ்ட்டில் திருப்தி அடைந்த பின்னரே
நடிக்க ஒப்புக் கொண்டார். அவரும் ஒரு பாபாவின்
பக்தன் என்பதால், அவருக்கு பாபாவை பற்றி நிறையத்
தெரிந்திருந்தது.
-
அதனால் காட்சிகளைப் படமாக்குவதில் சிரமம் இல்லை.
பாபா பற்றி வாழ்க்கையை வெறும் கேள்வி ஞானங்களோடு
எடுக்காமல், ஆதாரங்களை அடிப்படையாக கொண்டு
படமாக்கி வருகிறோம்” என்றார் இயக்குநர்.
–
—————–திரைக்கதிர்
படம்- இணையம்