தென்மாவட்டங்களில் அடுத்த 2 நாள் கனமழை நீடிக்கும் : வானிலை ஆய்வு மையம் தகவல்

by **rammalar** Sun 20 Nov 2016 - 7:50

சென்னை:
தென்மேற்கு வங்கக் கடலில் ஏற்பட்டுள்ள காற்றழுத்த
தாழ்வுநிலை காரணமாக தமிழகத்தின்
–
தென்மாவட்டங்களில் அடுத்த 2 நாட்களுக்கு கனமழை
நீடிக்கும் என வானிலை ஆய்வு மையம் தெரிவித்துள்ளது.
–
வடகிழக்கு பருவமழை காரணமாக தமிழகத்தின்
தென்மாவட்டங்களில் கடந்த சில தினங்களாக கனமழை
பெய்து வருகிறது.
–
ஆனால், சென்னை உள்ளிட்ட வடமாவட்டங்களில்
வடகிழக்கு பருவமழையின் தாக்கம் அவ்வளவாக
தெரியவில்லை. சென்னையில் மாலை நேரங்களில்
குளிர்ந்த காற்று வீசி வருகிறது.
இருப்பினும் மழைக்கான அறிகுறி தெரியவில்லை.
-
–
இதற்கிடையில், குமரிக் கடல் பகுதியில் உருவான
காற்றழுத்தம் காரணமாக தென் மாவட்டங்களில் நேற்று
முன்தினம் பெரும்பாலான இடங்களில் கனமழை பெய்தது.
ஆனால் நேற்று தென்மாவட்டங்களில் போதிய மழை
பெய்யவில்லை. ராமநாதபுரம் மாவட்டத்தில் மட்டும் நேற்று
கனமழை பெய்தது.
-
இந்நிலையில் நேற்று வானிலை ஆய்வு மைய அதிகாரி
கூறியதாவது: இலங்கையையொட்டி உள்ள தென்மேற்கு
வங்கக் கடலில் உருவாகியுள்ள காற்றழுத்த தாழ்வுநிலை
காரணமாக தென்மாவட்டங்களில் அடுத்த 2 நாட்களுக்கு
கனமழை பெய்யும். 21ம் தேதிக்குப் பிறகு இந்த மழை
குறையும்.
-
சென்னையில் வானம் மேகமூட்டத்துடன் காணப்படும்.
சில இடங்களில் மழை பெய்ய வாய்ப்பு உள்ளது.
இவ்வாறு அவர் கூறினார்.
–
————————————-
தினகரன்