உள்துறை செயலர் எழுதிய புத்தகத்தை வெளியிட்டார் ராஜ்நாத் சிங்

by **rammalar** Tue 23 May 2017 - 3:31

மத்திய உள்துறை செயலர் ராஜீவ் மெஹ்ரிஷி எழுதிய ‘
இந்தியா 2017’ எனும் புத்தகத்தை மத்திய உள்துறை
அமைச்சர் ராஜ்நாத் சிங் வெளியிட்டார்.

இப்புத்தகம் குடிமைப்பணிக்கு விண்ணப்பிக்கும் மாணவர்களுக்கு
உதவியாக இருக்கும் என்று கூறப்படுகிறது.
--
மே 22, 2017, 11:33 PM
புதுடெல்லி
--
“நல்லதொரு புத்தகம் அடுத்த தலைமுறையினருக்கு மிகச் சிறப்பான
பரிசுப்பொருளாக இருக்கும்” என்று புத்தகத்தை வெளியிட்டு பேசிய
ராஜ்நாத் சிங் தெரிவித்தார்.

பொதுவாக பணி ஓய்வு பெற்ற பிறகு புத்தகம் எழுதுவது அரசுப்
பணியாளர்களின் செயல்; ஆனால் பணிபுரியும் காலத்திலேயே
அதுவும் முக்கியமான மிகவும் பரபரப்பான பணியில் இருக்கும்
மெஹ்ரிஷி புத்தகத்தை எழுதியுள்ளார்.

நேரத்தைப் பயன்படுத்துவதில் அவர் சிறந்தவரான அவர்
திறமையானவரும் கூட என்று ராஜ்நாத் சிங் புகழ்ந்து உரைத்தார்.

இப்புத்தகம் இந்தியாவின், வரலாறு, கலாச்சாரம், பொருளியல்,
சமூகம் மற்றும் புவியியல் தொடர்பான தகவல்களை கொண்டுள்ளது;
அது எதிர்காலத் தலைமுறையினருக்கு இந்தியாவை அறிந்து கொள்ள
உதவியாக இருக்கும் என்று அவர் தெரிவித்தார்.

தனது உரையில் ராஜீவ் மெஹ்ரிஷி, “ குடிமைப்பணிக்கு தயாராகும்
அனைவருக்கும் வலுவான தகவல் தளமாக இருக்கும்” என்றார்.
1978 ஆம் ஆண்டில் இராஜஸ்தான் மாநிலத்திலிருந்து குடிமைப்ப
ணிக்கு தேர்வான மெஹ்ரிஷி மாநில தலைமைச் செயலர்,
மத்தியில் நிதி மற்றும் உள்துறை அமைச்சர் ஆகிய பதவிகளில்
பணியாற்றிய ஒரே அதிகாரி எனும் பெருமையைப் பெற்றவராவார்.

புத்தகத்தை மெக்ராஹில் எஜூகேஷன் இந்தியா எனும் பதிப்பகம்
வெளியிட்டுள்ளது. சமீபத்தில் நிகழ்ந்த பண மதிப்பு நீக்கத்தின் சாதக,
பாதகங்கள், காஷ்மீர் பிரச்சினை, செய்திகளை உருவாக்கக்கூடிய
பிரமுகர்கள் என பரந்த தலைப்புகளில் இப்புத்தகத்தின் பொருளடக்கம்
அமைந்துள்ளது.

-
தினத்தந்தி