குறிஞ்சி மலர்

இந்தியா முழுவதும் காணப்படும் ஒரு வகை மலர் குறிஞ்சி ஆகும். தமிழகத்தில் இதன் வாழிடமான மலைப் பகுதிகள் குறிஞ்சி என அழைக்கப்பட்டதால் இம்மலர் தமிழில் குறிஞ்சி மலர் என அழைக்கப்படுகிறது. இம்மலர் பன்னிரெண்டு ஆண்டுகளுக்கு ஒரு முறை பூக்கும் தன்மையுடையது.

இரண்டு முதல் மூன்று அடி உயரம் வரை வளரக்கூடிய இம்மலர் நீல நிறமுடையது. இச்செடி தமிழக மலைப்பகுதிகளில் செழித்து வளர்கிறது. 12 ஆண்டுகளுக்கு ஒரு முறை மலரும் வகையில் தொடங்கி சுமார் 32 வகை குறிஞ்சி மலர்கள் உள்ளன. கடல் மட்டத்திலிருந்து 1600 அடி உயரத்தில் இச்செடிகள் கூட்டம் கூட்டமாக காணப்படுகின்றன. ஆகஸ்ட் முதல் நவம்பர் வரையிலான காலக்கட்டத்தில் இம்மலர் பூக்கும். மணி போன்ற அமைப்பையுடைய இம்மலர்கள் பூக்கத் தொடங்கிய உடனேயே தேனீக்கள் கூட்டம் கூட்டமாக மொய்க்கத் துவங்குகின்றன.

மேற்குத் தொடர்ச்சி மலையின் முக்கிய மலையான நீலகிரி மலையில் இப்பூக்கள் அதிகமாக காணப்பட்டதால் தான் அது நீலகிரி (நீலமலை) என பெயர் பெற்றதாக கூறப்படுகிறது.

தமிழக வனப்பகுதிகளில் காணப்படும் குறிஞ்சி இன செடிகளைக் கண்டறிந்து அவற்றை பாதுகாக்கும் பணியை தோட்டக்கலை துறையினர் மேற்கொண்டு வருகின்றனர்.

இம்மலரின் அறிவியல் பெயர் ஸ்டிரோபிலாந்தஸ் குந்தியானஸ் (Strobilanthes kunthianus) என்பதாகும்.

:!+: :!+:

//குறிஞ்சி என அழைக்கப்பட்டதால் இம்மலர் தமிழில் குறிஞ்சி மலர் என அழைக்கப்படுகிறது. இம்மலர் பன்னிரெண்டு ஆண்டுகளுக்கு ஒரு முறை பூக்கும் தன்மையுடையது.//குறிஞ்சி மலர் பற்றி அறியதந்தமைக்கு நன்றி குறிஞ்சி.....