தல' தோனி சிறப்பில் இந்தியா 'த்ரில்' வெற்றி

by **rammalar** Sat 19 Jan 2019 - 7:03

ஆஸ்திரேலியாவுக்கு எதிரான 2-ஆவது ஒருநாள் போட்டியில்
இந்திய அணி 6 விக்கெட் வித்தியாசத்தில் அசத்தல் வெற்றி
பெற்றது.

இந்தியா, ஆஸ்திரேலியா இடையிலான 2-ஆவது ஒருநாள்
போட்டி அடிலெய்டில் செவ்வாய்கிழமை நடைபெற்றது.
இதில் டாஸ் வென்று முதலில் களமிறங்கிய ஆஸ்திரேலிய
அணி நிர்ணயிக்கப்பட்ட 50 ஓவர்களில் 9 விக்கெட்டுகளை
இழந்து 298 ரன்கள் குவித்தது.

ஷான் மார்ஷ் 123 பந்துகளில் 11 பவுண்டரிகள் மற்றும்
3 சிக்ஸர்களுடன் 131 ரன்கள் குவித்தார்.
புவனேஸ்வர் குமார் 4 விக்கெட்டுகளையும், முகமது ஷமி
3 விக்கெட்டுகளையும் வீழ்த்தினர்.

இதையடுத்து களமிறங்கிய இந்திய அணி 49.2 ஓவர்களில்
4 விக்கெட் இழப்புக்கு 299 ரன்கள் எடுத்து த்ரில் வெற்றி
பெற்றது.
கேப்டன் விராட் கோலி அதிகபட்சமாக 104 ரன்கள்
குவித்தார்.

அபாரமாக ஆடிய தோனி,
2 இமாலய சிக்ஸர்களின் உதவியுடன் 55 ரன்கள் விளாசி
இறுதிவரை ஆட்டமிழக்காமல் இந்திய அணியை வெற்றி
பெற வைத்தார்.

தினேஷ் கார்த்திக் 25 ரன்களுடன் ஆட்டமிழக்காமல்
களத்தில் உடனிருந்தார். ரோஹித் 43, தவன் 32, ராயுடு
24 ரன்கள் சேர்த்தனர். இதன்மூலம் 3 ஆட்டங்கள் கொண்ட
ஒருநாள் தொடர் 1-1 என சமநிலைப் பெற்றது.
-
--------------------------------------