எஜமானிக்கு நஞ்சு சூப்பைக் கொடுத்த வேலைக்காரி!

தனது எஜமானிக்கு நஞ்சூட்டிய குற்றத்துக்காக அலிஸன் கொக்ஸ் என்ற 33 வயது வேலைக்காரிக்கு ஒரு வருட சிறைத்தண்டனை விதிக்கப்பட்டது.

பில்பர்ட் நீதிமன்றம் இந்தத் தண்டனையை வழங்கியது. மன்னிக்கமுடியாத ஒரு நம்பிக்கைத் துரோகம் என்று இந்தச் செயலை வர்ணித்த நீதிபதி மேற்படி தண்டனையை வழங்கினார்.

இவரால் நஞ்சூட்டப்படவர் இவரின் எஜமானியான தொழிலதிபர் ஜக்குலின் கோல்ட் ஆவார். இவர் ஆன்சமர்ஸ் நிறுவனத்தின் உரிமையாளர்.

50 வயதான இவர் கடந்த அக்டோபரில் தனக்கு ஏற்பட்ட இந்த அனுபவத்தை பிரிட்டனின் சன் பத்திரிகையாளர் ஒருவரிடம் விளக்கினார். இவருக்கு சூப் பானத்தில் ஒரு வகை இரசாயனத்தைக் கலந்து கொடுத்துவிட்டு அப்போது 17 மாதமான இவரின் குழந்தையையும் எடுத்துக் கொண்டு அலிஸன் கொக்ஸ் வெளியே சென்றுள்ளார்.


எனக்கு ஏதோ தரப்பட்டுள்ளது என்பதை உணர்ந்து கொண்டதும் எனக்கு ஏற்பட்ட ஒரே கவலை விலைமதிப்பற்ற என்னுடைய குழந்தை தான். பத்திரமாக அது திரும்பி வரவேண்டுமே என்று தான் கவலைப்பட்டேன்.

உடனடியாக கணவனோடு தொடர்பு கொண்டு விடயத்தை விளக்கினேன். பின் கார் வரும் வரை கடும் வேதனையோடு காத்திருக்கவும் வேண்டியதாயிற்று. வேலைக்காரியோடு தொடர்பு கொண்டு பிள்ளையை உடனே அழைத்துவரும் படி கணவர் கூறினார்.

ஆனால் நான் பேசினால் எனக்கு எதுவுமே ஆகவில்லையே எனக் கருதி பிள்ளைக்கு ஏதாவது செய்து விடுவாரோ என்ற அச்சத்தில் நான் எதுவும் பேசவில்லை. கொக்ஸ் தன்னோடு அழைத்துச் சென்ற ஸ்கார்ட்லெட் என்ற குழந்தையின் பராமரிப்பாளராகத் தான் இந்த வீட்டில் ஒருவருடமாகப் பணியாற்றினார்.

கிட்டத்தட்ட 34ஆயிரம் பவுண் இவருக்கு சம்பளமாக வழங்கப்பட்டது. ஆரம்பத்தில் இவர் ஒரு நல்ல பெண்ணாகத்தான் காணப்பட்டார். ஆனால் நாள் செல்லச் செல்ல பல விடயங்களில் அதிருப்தியுற்று வாக்குவாதங்களும் இடம்பெற்றுள்ளன.

குறிப்பாக வேலைக்காரிக்கும் வீட்டு சமையல்காரருக்கும் ஒத்துவரவில்லை. ஆனால் சமையல்காரரோ எஜமானிக்கு மிகவும் பிடித்தவர். எனவே சமையல்காரரைப் பழிவாங்கும் நோக்கில் தான் அவர் சமைத்துவைத்திருந்த சூப்பானத்தில் கார்களைக் கழுவப் பயனபடுத்தப்படும் ஒரு வகை இரசாயனத் திரவத்தைக் கலந்து கொடுத்துள்ளார்.

அத்தோடு வெளியே கொண்டுசென்ற குழந்தையோடு நல்லபடியாக வீட்டுக்குத் திரும்பியும் வந்துள்ளார். நல்லவேளை இந்த பானம் பிள்ளைகளுக்குக் கொடுக்கப்படவில்லை.

தனது சூப்பில் ஏதோ கலக்கப்பட்டுள்ளது என்பதை உடனடியாகத் தெரிந்து கொண்டதால் எஜமானியும் தப்பினார், வேலைக்காரிக்கும் குறைந்த தண்டனை கிடைத்தது

:!+: :!+:

எஜமானிகள் உஷார்.