நேபாளில் புதிய கரன்சி நோட்டுகள் வெளியீடு: மன்னர் படம் ஒழிப்பு

by *சம்ஸ் Tue 15 Mar 2011 - 6:26

காத்மாண்டு: நேபாள நாட்டின் கரன்சி நோட்டுகளில் மன்னரின் படம் அகற்றப்பட்டு புதிய ‌கரன்சிகள புழக்கத்தில் விடபட்டன. நேபாள நாட்டின் கரன்சி நோட்டுகளில் ஷா எனும் மன்னர்களின் உருவப்படங்களை தாங்கி புழக்கத்தில் இருந்துவந்தன. ஏறத்தாழ 239 ஆண்டுகளாக நேபாள நாட்டில் மன்னர் ஆட்சி நடந்து வந்ததையொட்டியே அந்நாட்டு கரன்சிகளில் மன்னர்களின் உருவப்படத்துடன் நேபாள ராஷ்டிரா வங்கி கரன்சிகளை வெளியிட்டு வந்தது. தற்போது நேபாளில் மன்னர் ஆட்சி ஒழிக்கப்பட்டுவிட்டது. இந்நிலையில் நேபாளின் முக்கிய வங்கியான நேபாள் ராஷ்டிர வங்கி, நாட்டில் உள்ள அனைத்து வங்கிகளுக்கும் கடந்த ஆண்டு 2010-ம் ஆண்டு ஆகஸ்ட் மாதம் ஒரு சுற்றறிக்கை வெளியிட்டிருந்தது. அதில் 2011-ம் ஆண்டு மார்ச் 15-ம் தேதிக்குள் நேபாள் கரன்சிகளில் மன்னரின் உருவப்படத்தினை அகற்றப்படும் எனவும் முன்னதாக பழைய கரன்சிகள் செல்லாதவையாக அறிவிக்கவும் என உத்தரவிட்டிருந்தது. அதன்படி நேற்று புதிய கரன்சிகள் புழக்கத்தில் விடப்பட்டன. இனி நாட்டில் உள்ள அனைத்து வங்கிகளிலும், நிதி நிறுவனங்களிலும் புதிய கரன்சிகள் புழக்கத்தில் இருக்கும் என நேபாள் மத்திய வங்கி, நேபாள ராஷ்ட்ரிய வங்கியும் அறிவித்துள்ளது.