பெண்ணை வழிமறித்து தாலிக்கொடி, சங்கிலியை அபகரித்த வவுனியா வாசிகள் இருவர் கொடிகாமத்தில் கைது

மோட்டார் சைக்கிளில் சென்று கொண்டிருந்த ஆயுள்வேத பெண் வைத்தியர் ஒருவரை நல்லூரடியில் வழிமறித்து அவர் அணிந்திருந்த தாலிக்கொடி மற்றும் சங்கிலியை அபகரித்துக் கொண்டு தலைமறைவான இருவரை பொலிஸார் கைது செய்துள்ளனர்.
நேற்று முன்தினம் நண்பகல் வேளை இடம்பெற்ற இந்தக் கொள்ளைச் சம்பவத்துடன் தொடர்புடைய இருவரும் அன்று மாலை கொடிகாமம் பொலிஸாரால் கைது செய்யப்பட்டனர்.

இந்த இருவரும் நாட்டின் பல்வேறு பாகங்களில் இடம் பெற்ற திருட்டு மற்றும் கொள்ளைச் சம்பவங்களுடனும் தொடர்புடையவர்கள் என விசாரணையின் போது தெரியவந்துள்ளதாக யாழ்ப்பாணப் பொலிஸார் தெரிவித்தனர்.

இந்தச் சம்பவம் தொடர்பாக பொலிஸார் மேலும் தெரிவித்தவை வருமாறு:

ஆயுள்வேத வைத்தியரான பெண் மோட்டார் சைக்கிளில் பயணித்துக்கொண்டிருந்தார். நல்லூர்ப் பகுதியில் மோட்டார் சைக்கிளில் முந்திச் சென்ற இரு நபர்கள் அந்தப் பெண்ணை வழிமறித்து வீதியில் தள்ளி வீழ்த்திவிட்டு அவர் அணிந்திருந்த தாலிக்கொடியையும் சங்கிலியையும் அறுத்துக் கொண்டு தப்பியோடிவிட்டனர்.

இந்தத் தகவல் உடனடியாக யாழ்ப்பாணம் சிரேஷ்ட பொலிஸ் அத்தியட்சகருக்கு எட்டியது. அவர் விரைந்து நடவடிக்கையில் இறங்கினார். யாழ்.மாவட்டத்திலுள்ள சகல பொலிஸ் நிலையங்களுக்கும் சம்பந்தப்பட்டவர்களைக் கைது செய்யுமாறு அவரது உத்தரவு பறந்தது. சகல இடங்களிலும் பொலிஸார் உஷார் படுத்தப்பட்டனர்.

சுமார் ஒரு லட்சத்து 35 ஆயிரம் ரூபா பெறுமதியான குறிப்பிட்ட நகையைப் பறிகொடுத்த பெண்ணும் இது தொடர்பாக யாழ்ப் பாணம் பொலிஸில் முறைப்பாடு செய்தார்.

இதேவேளை கொடிகாமம் பொலிஸார் தமது பிரிவில் சந்தேகத்தின் பேரில் மோட்டார் சைக்கிளில் பயணித்துக் கொண்டிருந்த இருவரை மறித்து சோதனையிட்டனர். அவர்களில் ஒருவரின் காற்சட்டைப் பொக்கற்றில் தாலிக்கொடியும் சங்கிலியும் இருப்பது தெரியவந்தது.

அவர்களை விசாரித்த போது தாங்கள் வவுனியாவைச் சேர்ந்தவர்கள் என்றும் யாழ்.நகரில் திருமண வீட்டுக்குச் சென்று திரும்பிச் செல்கிறோம் என்றும் பொலிஸாரிடம் தெரிவித்தனர்.

கொடிகாமம் பொலிஸாரின் தகவலை அடுத்து யாழ்.பொலிஸார் சம்பந்தப்பட்ட பெண்ணையும் அழைத்துக்கொண்டு கொடிகாமம் சென்றனர். அங்கு பறி கொடுத்த நகையும் கொள்ளையர் இருவரையும் அடையாளம் காட்டினார் அந்தப் பெண்.

சந்தேகத்தின் பேரில் கைது செய்யப்பட்டவர்களில் ஒருவர் ஆட்டோ சாரதி என்றும் மற்றவர் மெக்கானிக் என்றும் பொலிஸார் தெரிவித்தனர்.

இது தொடர்பாக கொழும்பிலுள்ள பெருங் குற்றப் பதிவு பிரிவுக்கு அறிவிக்கப்பட்டுள்ளது.

கைதான இருவரும் காவலில் வைக்கப்பட்டுள்ளனர். யாழ்.சிரேஷ்ட பொலிஸ் அத்தியட்சகர் நெவின் பத்மதேவா விரைந்து எடுத்த நடவடிக்கை காரணமாக இந்த ஆசாமிகள் இருவரும் கைது செய்யப்பட்டனர் எனத் தெரிவிக்கப்பட்டது.

இவர்களையெல்லாம் :#.: :#.: :#.:

அன்பு wrote:இவர்களையெல்லாம் :#.: :#.: :#.:

ஏன்? அன்பு இவர்களை சூட் பண்ண போறீங்க..
கொள்ளையடித்ததில் பொலிசாருக்கு பாதி கொடுத்தால் அவர்களை விடுவார்கல்தானே :”: :”: :”:

ஷஹி wrote:

அன்பு wrote:இவர்களையெல்லாம் :#.: :#.: :#.:

ஏன்? அன்பு இவர்களை சூட் பண்ண போறீங்க..
கொள்ளையடித்ததில் பொலிசாருக்கு பாதி கொடுத்தால் அவர்களை விடுவார்கல்தானே :”: :”: :”:

@. @.