இங்கிலாந்து தோற்க வேண்டும்: கோலிங்வுட் மகளின் வேண்டுகோள்

by **நண்பன்** Tue 22 Mar 2011 - 14:02

வெஸ்ட்
இண்டீசிற்கு எதிரான உலக கிண்ண லீக் போட்டியில் இங்கிலாந்து அணி தோற்க
வேண்டும். அப்போது தான் அப்பா விரைவில் வீட்டுக்கு வருவார் என கோலிங்வுட்
மகள்கள் தெரிவித்துள்ளனர்.உலக கிண்ணத் தொடரின் நான்காவது காலிறுதி போட்டியில் இங்கிலாந்து, இலங்கை அணிகள் வரும் மார்ச் 26 ம் திகதி கொழும்புவில் மோதுகின்றன.
இதனிடையே இங்கிலாந்து அணி கடைசி லீக் போட்டியில் வென்றால் தான் காலிறுதி
வாய்ப்பை தக்க வைக்க முடியும் என்ற நிலையில் வெஸ்ட் இண்டீசை சந்தித்தது.
அப்போது இந்த போட்டியில் தோற்க வேண்டும் என இங்கிலாந்து நட்சத்திர வீரர்
கோலிங்வுட்டின் மகள்கள் கெய்ரா, ஷன்னன் நினைப்பு வேறு மாதிரியாக
இருக்கிறது.
ஏனெனில் நீண்ட நாட்களாக நடந்த ஆஷஸ் தொடர் முடிந்து வீட்டுக்கு அப்பா
வருவார் என்று நினைத்துக்கொண்டிருந்த நேரத்தில் உலக கிண்ணத் தொடர்
வந்துவிட்டது. இதனால் மீண்டும் வீட்டுக்கு திரும்ப முடியாத நிலை.
இதுகுறித்து கோலிங்வுட் கூறியது: அயர்லாந்து, வங்கதேச அணிகளுக்கு எதிரான
தோல்வியை அடுத்து உலக கிண்ணத் தொடரில் இருந்து ஏறக்குறைய வெளியேற வேண்டிய
நிலை ஏற்பட்டது. கடைசியில் அதிலிருந்து மீண்டுள்ளோம். இதற்குரிய அனைத்து
பாராட்டுக்களும் கப்டன் ஸ்டிராசையே சாரும். ஏனெனில் வெஸ்ட் இண்டீசிற்கு
எதிரான போட்டியில் கடைசி 20 நிமிடத்தில் தான் மீண்டு வந்தோம்.
இந்த போட்டி குறித்து எனது மகள்கள் என்னிடம் கூறுகையில்,"வெஸ்ட்
இண்டீசிற்கு எதிரான போட்டியில் நீங்கள் தோற்றுப் போவீர்கள் என்று
நம்புகிறோம். ஏனெனில் அப்போது தான் விரைவில் வீட்டுக்கு வருவீர்கள்"
என்றனர்.
அதற்கு நான் அவர்களிடம்,"நீங்கள் சொல்றது சரிதான். ஆனால் போட்டியில்
அப்பா வெற்றி பெற்றால் அதிக பணம் கிடைக்கும். அப்போதுதான் அதிகப்படியாக
பொம்மைகள் வாங்கிவர முடியும்" என்றேன். அதன் பின் அவர்கள் ஓ.கே நீங்கள்
வெல்வீர்கள் என்று நம்புகிறோம் என மாற்றிக் கூறினர். இவ்வாறு கோலிங்வுட்
கூறினார்.