சிம்பு � டி.ராஜேந்தர் இணைந்து உருவாகும் புதிய படம் ?

’டூ’. ஏ.ஜி எண்டர்டைன்மெண்ட் நிறுவனம் சார்பில் குணசேகரன், ஆதிநாராயணன் தயாரிக்கும் படத்தின் பெயர் இது. படத்தோட பேரு தமிழ் மாதிரி தெரியலையே கேளிக்கை வரி கிடைக்குமா? என்ற நமது குழப்பத்தையும், சந்தேகத்தையும் படத்தை இயக்கும் பி.ஸ்ரீராமிடம் கேட்டோம்.

“சின்ன குழந்தைகளுக்கிடையே சண்டை வந்தால் டூ விட்டுக்கொள்வார்கள்.அந்த டூதான் இது. கதைக்கு பொருத்தமாக இருந்ததால் அப்படி வைத்தோம்.” என்ற இயக்குனரிடம் சரி கதையை சொல்லுங்க என்றோம்.

“ஒருஆண் தனது எதிர்பார்ப்புகளை பெற்றோர், நண்பர்கள், உறவினர்களிடமிருந்து 100 சதவீதம் கிடைக்கவில்லை என்றாலும் விட்டுக்கொடுத்து வாழ பழகிக்கொள்கிறான். ஆனால் வாழ்க்கை துணைவியாக வருபவளிடமிருந்து மட்டும் 100 சதவீதம் தனது எதிர்பார்ப்புக்களை விரும்புகிறான்.

வாழ்க்கை துணைவியிடம் விட்டுக்கொடுத்துப்போனால் வாழ்க்கை சுவையாக இருக்கும் என்பதை நகைச்சுவை கலந்து சொல்கிறோம். நாயகனுக்கும் நாயகிக்கும் இடையே அடிக்கடி சண்டை போட்டுக்கொள்வார்கள் பிறகு பழம் விடுக்கொள்வார்கள்” என்ற ஸ்ரீராம், இயக்குனர் திருமுருகனிடம் இணை இயக்குனராக இருந்தவர்.

திரைக்கதையை நகைச்சுவையாக அமைப்பதில் கெட்டிக்கார் என தயாரிப்பாளரே தரச்சான்றிதழ் கொடுக்கிறார் ஸ்ரீராமிற்கு.

‘முன்தினம் பார்த்தேனே’ படத்தில் கதாநாயகனாக அறிமுகமான சஞ்சய்தான்‘டூ’வின் நாயகன். நாயகியாக சுமித்ராவின் இரண்டாவது மகள் நட்சத்திரா அறிமுகமாகிறார். மாறவர்மன் ஒளிப்பதிவு செய்ய, இரட்டையர்களான அபிஷேக் – லாரன்ஸ் இசையமைக்கின்றனர்.படத்திற்காக டி.ராஜேந்தரும், சிம்புவும் தலா ஒரு பாடலை பாடியுள்ளனராம்.
“தம்ம விட்டுடு மச்சான் சரக்க விட்டுடு மச்சான் ரெண்டும் இல்லேண்ணா காதல விட்டுடு மச்சான்” என்ற ‘தத்து’ பாடலை டி.ராஜேந்தரும், ‘ஒரு பார்வையாலே புத்தது பெண்ணே…” என்ற மெலடி பாடலை சிம்பும் பாடி, படத்திற்கு பலமூட்டியுள்ளனராம்.

:!.: :,;: