வழுக்கை விழுவதை முன்கூட்டியே தெரிவிக்கும் கால்குலேட்டர்

by *சம்ஸ் Fri 22 Apr 2011 - 17:56

ஆண்களுக்கு மிகப்பெரிய மன உளைச்சலை ஏற்படுத்தக் கூடிய தலை வழுக்கை, ஒருவருக்கு எப்போது, எந்த வயதில் ஏற்படும் என்பதை முன்கூட்டியே கணித்து தெரிவிக்கும் கால்குலேட்டர் ஒன்றை விஞ்ஞானிகள் உருவாக்கியுள்ளனர்.

ஜெர்மன் விஞ்ஞானிகள் உருவாக்கியுள்ள இந்த கால்குலேட்டரில் அமைக்கப்பட்டுள்ள புரோகிராமில், ஒருவரது வயது, அவருக்கு திருமணம் ஆகி விட்டதா இல்லையா, என்ன தொழில், எங்கு வசிக்கிறார், அவரது தலைவகிடு எந்த பக்கம் உள்ள்து, அவரது குடும்பத்தில் உள்ளவர்களுக்கு முடி கொட்டியுள்ளதா மற்றும் அவரது மன அழுத்த அளவு ஆகிய விவரங்களை தெரிவிக்க வேண்டும்.

இந்த விவரங்களை தெரிவித்தால் சம்பந்தப்பட்ட அந்த நபருக்கு தலை முடி கொட்டுமா, அப்படி கொட்டினால் எந்த வயதில் தலையில் வழுக்கை விழும் அல்லது பெரும்பாலான முடிகள் கொட்டும் அல்லது அவரது வயோதிகம் வரை தலைமுடி முழுவதும் இருக்குமா என்பது போன்ற விவரங்களை அந்த கால்குலேட்டர் தெரிவித்துவிடும்.

இதனடிப்படையில் இளைஞர்கள் சில முன்னெச்சரிக்கை நடவடிக்கைளை மேற்கொண்டு தலை வழுக்கையை தவிர்க்கலாம் என்று இந்த கால்குலேட்டரை உருவாக்கிய ஜெர்மனியிலுள்ள பிரபல தலைமுடி பாதுகாப்பு ஆராய்ச்சி மையத்தின் தலைவர் டாக்டர் அடோல்ப் லென்க் தெரிவித்துள்ளதாக லண்டனிலிருந்து வெளியாகும் ' தி டெலிகிராப் ' நாளேடு செய்தி வெளியிட்டுள்ளது.