நிபுணர் குழு அறிக்கையை வைத்து எதிர்க்கட்சிகளைப் பலவீனப்படுத்த அரசாங்கம் முயற்சி

ஐக்கிய நாடுகள் நிபுணர் குழு அறிக்கையை வைத்து எதிர்க்கட்சிகளை மேலும் பலவீனப்படுத்தும் நகர்வுகளை அரசாங்கம் முன்னெடுத்துள்ளது.
அதன் பிரகாரம் அரசாங்கத்தின் செல்வாக்கு மிக்க அமைச்சர் பதவிகளை அளிப்பதாக வாக்குறுதியளித்து எதிர்க்கட்சி உறுப்பினர்கைளத் தூண்டிவிட்டு நிபுணர் குழு அறிக்கைக்கு எதிராக கருத்துக்களை வெளியிட வைக்கின்றது.

அதனை வைத்து எதிர்க்கட்சிகளை நிபுணர் குழு அறிக்கைக்கு எதிராக பலவந்தமாக அரசாங்கத்துடன் இணைந்து செயற்பட வைப்பது அரசாங்கத்தின் முக்கியஸ்தர்களின் எதிர்பார்ப்பாகும். மேலும் பொதுமக்கள் மத்தியில் அரசாங்கத்தின் மீதான அனுதாபமொன்றை வளர்த்தெடுக்கவும் அதனை பயன்படுத்திக் கொள்ள அரசாங்கம் எதிர்பார்க்கின்றது.

அதன் பிறகு நிபுணர்குழு விவகாரம் தணிந்த பின் நிபுணர்குழு விவகாரத்தில் அரசாங்கத்துக்கு ஆதரவளித்த எதிர்க்கட்சிப் பாராளுமன்ற உறுப்பினர்களை அரசாங்கத்தரப்பில் இணைத்துக் கொண்டு அவர்களுக்கு அமைச்சுப் பதவிகளை வழங்க அரசாங்கம் தீர்மானித்துள்ளது.

ஆயினும் அவ்வாறு அரசாங்த்துடன் இணைந்து கொள்பவர்களுக்கு ஆரம்பத்தில் வாக்களிக்கப்பட்ட பிரகாரம் பொறுப்பு வாய்ந்த அமைச்சர் பதவிகள் வழங்கப்படப் போவதில்லை என்றும் அலரி மாளிகை வட்டாரங்கள் தெரிவிக்கின்றன.

தற்போதைய நிலையில் ஐக்கிய தேசியக் கட்சியில் சஜித் அணியின் முக்கியஸ்தர்கள் சிலரும், தமிழ்க்கட்சியொன்றின் முக்கியஸ்தர் ஒருவரும் அரசாங்கத்துடன் இணைந்து நிபுணர் குழுவின் அறிக்கையை எதிர்ப்பதற்கு முன்வந்திருப்பதாகவும் பிரஸ்தாப தகவல் வட்டாரங்கள் தெரிவிக்கின்றன.

எது எப்படியோ அரசாங்கம் சிக்கலில் மாட்டியிருப்பது உண்மை

பொறுத்திருந்து பார்க்கலாம்

நன்றி சாதிர் பகிர்வுக்கு