இராவணன் ஏன் மாரீசனைப் பொன் மானாக உருவெடுத்துச் செல்லச் சொல்கிறான்.

by **veel** Wed 27 Apr 2011 - 16:21

மாரீச மான்

இராவணனின் தூண்டுதலின் பேரில் மாரிசன் பொன் மானாக ராமனது ஆஸ்ரமத்து முன் துள்ளிக் குதித்து விளையாடுகிறான், அன்னை சீதை அந்த மானின் அழகைக் கண்டு வியக்கிறாள். அதனைப் பிடித்துத் தருமாறு வேண்டுகிறாள், இராமன் மானைப் பின் தொடர்ந்து செல்கிறான், வெகுதூரம் சென்று ஓர் அம்பை ஏவி அதனை அடிக்கிறான், அப்பொழுது மாரீசன் ஹா! லக்ஷ்மணா! ஹா சீதா! எண்று குரலெடுத்து விட்டு மாண்டு போகிறான். இது தான் கதை.
இங்கு எழும் சில சந்தேஹங்கள்
1. இராவணன் ஏன் மாரீசனைப் பொன் மானாக உருவெடுத்துச் செல்லச் சொல்கிறான்.
2. மாரீசன் மாண்ட போது அபயக் குரல் எழுப்பியபோது வரும் ஆபத்தை ராமன் உணரவில்லையா? ஏன் தான் நன்றாக இருப்பதாக எதிர்க் குரல் கொடுத்து அவர்களை எச்சரிக்க வில்லை?

இதனை விளக்குவோம்

சூர்ப்பணகை சுபாகு மாரீசன் உள்ளிட்ட அரக்கர்களை இராமன் தனி ஒருவனாக நின்று வதம் செய்திருக்கிறான் என்ற விவரம் இராவணனுக்குத் தெரிந்திருக்கும். மேலும் மாரீசனின் எச்சரிக்கையும் இராவணனை யோசிக்க வைத்திருக்கும். வந்திருப்பவன் சாதாரண மானிடனாக இருக்க முடியாது என்ற ஐயத்தின் கீற்று உள்ளோடி இருக்கும், எனவே சிந்தித்து ஒருவேளை அறம் நிலை நிறுத்த வந்திருக்கும் பரம புருடனாகவே அவன் மனத்தில் எண்ணம் ஓடி இருக்கும், தண்ணீர் பழம் கொண்டு வருதல் மற்றும் ஆசிரமம் அமைத்தல் முதலிய வேலைகளைச் செய்ய இலக்குவன் காத்திருக்கும் போது ஏன் ராமன் மாரீசன் பின் போனான் என்பதும் சிந்திக்கத் தக்கது,

லக்ஷ்மி தந்த்ரம் என்ற நூலுள் ஒரு சுலோகம் உள்ளது, லக்ஷ்மி இந்திரனுக்கு உபதேசித்தது அதில் உலக மாதா கூறுகிறாள்

“ஹரிம் நயாமி கார்யேஷு நீயே ச ஹரிணா ஸ்வயம்
ஸதா ஹரிண பாஸாஹம் ஹாரிணம் துரிதம் ஸதா”

பொருள் சில சமயங்களில் நான் ஹரியைச் செயலில் ஈடுபடுத்துகிறேன், சில வேளைகளில் ஹரி என்னை நடத்துகிறார், இதனால் என்னை ஹரிணி என்பார்கள் என்பதே அதன் பொருள்

ஸ்ரீ சூக்தத்திலும் உலக மாதாவை “ஹிரண்ய வர்ணாம் ஹரிணீம்” என்றே குறிப்பிடுகிறது,

ஹரிணி என்பது பெண் மானையும் குறிக்கும் சொல். எனவே தான் ஹரியை நோக்கித் தவம் செய்பவர்கள் மான் தோலில் அமர்ந்து தியானம் செய்யும் பழக்கம் ஏற்பட்டது, ஆகவே ஒருக்கால் வந்திருப்பது தர்மத்தின் ஆத்மாவான ஹரியாக இருப்பின் பொன்மானாக மாரீசன் சென்றால் இலக்குவன் வராமல் இராமனே நேரில் வருவான். அப்பொழுது தன் காரியம் எளிதாக முடியும் என்று நினைத்திருப்பான்,

ஏன் ராமன் எச்சரிக்கைக் குரல் கொடுக்க வில்லை?

தத்துவ நூல்கள் கூறுவதைச் சற்று நோக்குவோம், “அலப்தஸ்ய ப்ராபணம் யோகம், ப்ராபணஸ்ய ரக்ஷணம் க்ஷேமம்”. இதுவே யோக க்ஷேமம் எனப் படுவது,

இதன் பொருள் ; எளிதில் கிடைக்காதது யோகம், அப்படிக் கிடைத்ததைப் பாதுகாத்தலே க்ஷேமம் எனப்படும்

எளிதில் கிடைக்காதது உலகத்தில் இல்லாத பொன் மானும், மானுட அவதாரம் எடுத்த இராமனுமேயாம்.

அன்னை சீதா இல்லாத பொன் மானில் ஆசைப் பட்டாள். ஒன்றைப் பெற வேண்டுமானால் இன்னொன்றை இழந்தே தான் ஆக வேண்டும், இலக்குவனின் எச்சரிக்கையையும் பொருட்படுத்தாமல் பொன் மான் வேண்டும் என்று வற்புறுத்திக் கூறியதால் இராமன் சென்று “இல்லாத பொருளை அடைய ஆசைப் பட்டால் என்ன ஆகும்” என்பதை உலகுக்குக் காட்டவே எச்சரிகைக் குரல் கொடுக்காமல் இந்த மௌன நாடகத்தை நடத்தியுள்ளான்,

நன்றி;
நந்திதா

by **மீனு** Wed 27 Apr 2011 - 16:26

நன்றி வேல்

by **veel** Wed 27 Apr 2011 - 17:09

:];: :];: :];: :];: :];:

by Sponsored content

இராவணன் ஏன் மாரீசனைப் பொன் மானாக உருவெடுத்துச் செல்லச் சொல்கிறான்.

இராவணன் ஏன் மாரீசனைப் பொன் மானாக உருவெடுத்துச் செல்லச் சொல்கிறான்.

Re: இராவணன் ஏன் மாரீசனைப் பொன் மானாக உருவெடுத்துச் செல்லச் சொல்கிறான்.

Re: இராவணன் ஏன் மாரீசனைப் பொன் மானாக உருவெடுத்துச் செல்லச் சொல்கிறான்.

Re: இராவணன் ஏன் மாரீசனைப் பொன் மானாக உருவெடுத்துச் செல்லச் சொல்கிறான்.