சோயா கிரேவி.

by **ஹம்னா** Wed 27 Apr 2011 - 18:08

தேவையான பொருட்கள்:

குட்டி சோயா - ஒரு கப்
தக்காளி - 2
வெங்காயம் - 2

அரைக்க:

தேங்காய் துருவல் - 3 டேபிள் ஸ்பூன்
இஞ்சி - ஒரு துண்டு
பூண்டு - 6 பல்
சோம்பு - சிறிதளவு
மிளகாய் தூள் - 4 டேபிள் ஸ்பூன்
முந்திரி - 6

தாளிக்க:

சோம்பு - சிறிதளவு
பட்டை - 2

செய்முறை:

* முதலில் தேவையான பொருட்கள் அனைத்தையும் தயார்படுத்தி வைத்துக் கொள்ளவும்.

* அரைக்க தந்துள்ள பொருட்களை அரைத்து கொள்ளவும்.

* வெங்காயம், தக்காளியை பொடி பொடியாக நறுக்கவும்.

* சோயாவை(மீல் மேக்கர்) சுடு தண்ணீரில் போட்டு 5 நிமிடம் வேக வைக்கவும்.

* கடாயில் என்ணெய் ஊற்றி சோம்பு, பட்டை போட்டு வதக்கவும்.

* பின்னர் வெங்காயம் போட்டு பொன்னிறம் ஆகும் வரை வதக்கவும்.

* அதன் பின்னர் தக்காளி போட்டு வதக்கவும்.

* தக்காளியை நன்கு வெங்காயத்துடன் சேர்த்து கலக்கவும்.

* பின் சோயவையும் சேர்த்து வதக்கவும்.

* 5 நிமிடத்திற்கு பின், அரைத்து வைத்துள்ள கலவையை சேர்த்து வதக்கவும்.

* பச்சை வாசனை போகும் வரை, நன்கு கொதிக்க விடவும்.

* தேவையான அளவு தண்ணீர் சேர்த்து கொதிக்க விடவும்.

* கொதித்த பின், கொத்தமல்லி தழை தூவி இறக்கி வைத்து பரிமாறவும்.

* இந்த கிரேவி, இட்லி, தோசை, சப்பாத்தி, பூரிக்கு சூப்பர் காம்பினேஷன்.

குறிப்பு: காரம் தேவைக்கு தகுந்தாற் போல், அதிகப்படுத்திக்கொள்ளவும்.