பழைய கால சம்பவங்களை நினைவு கூரும் தன்மை குரங்குகளுக்கு உண்டு: ஆய்வில் தகவல்

by **நேசமுடன் ஹாசிம்** Sun 1 May 2011 - 17:28

மனிதர்கள் தங்களது இளமை காலத்து சம்பவங்களை நினைவு கூர்வது உண்டு. அதே போன்று குரங்குகளும் கடந்த காலங்களில் நடந்த சம்பவங்களை நினைவு கூர முடியும்.
இத்தகவல் தற்போதைய உயிரியல் ஆய்வு இதழில் வெளியிடப்பட்ட ஆய்வு அறிக்கையில் தெரிவிக்கப்பட்டுள்ளது.

சம்பவங்களை நினைவு கூர்வதன் மூலம் பயண வசதி, சமூக நடத்தை மற்றும் இதர பிறவித் திறன்களை அதிகரிக்க முடியும் என ஆய்வாளர்கள் கூறுகின்றனர்.

எமோரி பல்கலைகழகத்தின் ஆய்வாளர் பெஞ்சமின் பாசில் கூறியதாவது: கடந்த கால நிகழ்வுகளை குரங்குகள் நினைவு கூர்வதன் மூலம் அவை வனப்பகுதியில் பயணிப்பதற்கு வெகுவாக இருக்கும்.

குரங்குகள் தங்களது இனத்தைச் சேர்ந்த உயிர்களை எளிதில் நினைவு கூர்வதுடன் பிடித்த பழங்கள், பாதை, நீர் ஆதாரப்பகுதி ஆகியவற்றையும் நினைவு கூரும் திறன் பெற்றதாக உள்ளன.

குரங்குகள் பழைய நினைவுகளை மிக குறுகிய அளவிலேயே பயன்படுத்துகின்றன. புதிய ஆய்வுக்காக 5 பழுப்பு நிற சிறிய குரங்குகளை பிடித்து பயிற்சி அளிக்கப்பட்டது.

பாசில் மற்றும் ரொபர்ட் ஆகிய ஆய்வாளர்கள் இந்த ஆய்வை செய்த போது குரங்குகளுக்கு நினைவு கூறல் இருப்பது தெரியவந்தது.