சிங்கள மேளத்தால் ஈர்க்கப்பட்ட அமெரிக்க இசைக் கலைஞர்

by **நேசமுடன் ஹாசிம்** Sun Jun 19, 2011 11:40 pm

அமெரிக்காவின் இசைக் கலைஞர்களில் ஒருவரான மைக்கேல் பலோனிக் சிங்கள வாத்தியங்களில் ஒன்றான தம்மட்டமவால் பெரிதும் ஈர்க்கப்பட்டு உள்ளார்.
இவர் ஆழிப் பேரலை அனர்த்த நிவாரணப் பணிகளை மேற்கொள்கின்றமைக்காக 2005 ஆம் ஆண்டு முதல் தடவையாக இலங்கை வந்து இருந்தார்.
இவர் ஏற்கனவே இவ்வாத்தியம் பற்றி கேள்விப்பட்டு இருந்தார்.
நேரில் அறிந்தபோது பெரிதும் நாட்டம் கொண்டார்.
இலங்கையில் தங்கி இருந்த நாட்களில் குரு ஒருவரிடம் முறையாக பயின்று கொண்டார்.
இவ்வாத்தியத்தைக் கற்றுக் கொண்டமை மூலம் இசைத்துறை வாழ்க்கையே மாற்றம் அடைந்தது என்கின்றார்.
இவர் மேற்படிப்புகளுக்காக மேற்கொண்ட ஆய்வு இவ்வாத்தியக் கருவியை பற்றியதாக அமைந்தது.
இவர் இவ்வாத்தியத்தின் அருமைகள், பெருமைகள் பற்றி புத்தகம் ஒன்றும் எழுதி உள்ளார்.