பிரச்சினைகளுக்கு பயந்து பாராளுமன்ற கூட்டத் தொடர் காலதாமதப்படுத்தப்படுகிறதா?

பிரச்சினைகளுக்கு பயந்து பாராளுமன்ற கூட்டத் தொடர் காலதாமதப்படுத்தப்படுகிறதா?
பிரச்சினைகளை எதிர்கொள்ள பயந்து நாடாளுமன்றக் கூட்டத் தொடரை வேண்டுமென்றே மத்திய அரசு தாமதப்படுத்தி வருவதாக மக்களவை எதிர்க்கட்சித் தலைவரும், பாஜக மூத்த தலைவருமான சுஷ்மா ஸ்வராஜ் குற்றசம் சாட்டினார்.

சென்னை மயிலாப்பூரில் வியாழக்கிழமை நடைபெற்ற பாஜக மாநில செயற்குழு கூட்டத்தில் பங்கேற்ற அவர் செய்தியாளர்களிடம் பேசியது.

மே மாதம் நடைபெற்றிருக்க வேண்டிய நாடாளுமன்றத்தின் குறுகிய கால கூட்டத் தொடர் கூட்டப்படவில்லை. ஜூலை மாதத்தில் நடைபெற வேண்டிய மழைக்கால கூட்டத் தொடரும் தாமதமாகி வருகிறது.

லோக்பால் மசோதா, ராமலீலா மைதானத்தில் பொலிஸார் நடத்திய தாக்குதல் உள்ளிட்ட பல்வேறு பிரச்சினைகளை நாடாளுமன்றத்தில் எழுப்ப இருந்தோம். பிரச்சினைகளை எதிர்கொள்ள பயந்து கொண்டு நாடாளுமன்றக் கூட்டத் தொடரை மத்திய அரசு வேண்டுமென்றே தாமதப்படுத்தி வருகிறது. முக்கிய கட்சிகளுடன் ஆலோசித்த பிறகே நாடாளுமன்றம் கூடும் திகதி முடிவு செய்யப்படும்.

ஆனால் பிரதான எதிர்க்கட்சியான பாஜக விடம் கூட ஆலோசிக்காமல் நாடாளுமன்றத்தின் மழைக்கால கூட்டத் தொடர் கூடும் திகதி அறிவிக்கப்பட்டுள்ளது நாட்டின் வரலாற்றில் முதல் முறையாக உத்தரப் பிரதேசத்தில் சட்டம்- ஒழுங்கு முற்றிலும் சீர்குலைந்துள்ளது. இதனை எதிர்த்து பாஜகவினர் போராட்டம் நடத்தி வருகிறார்கள்.

வெற்றிக்காக தொடர்ந்து உழைப்போம்: தமிழக பேரவைத் தேர்தலில் போட்டியிட்ட பாஜக வேட்பாளர்களுடன் கலந்துரையாடினேன். இந்தத் தேர்தலில் திமுக- அதிமுக என்ற இரண்டு அணிகளுக்கு இடையே தான் போட்டி நிலவியது. மூன்றாவதாக யாரையும் மக்கள் ஏற்கவில்லை. அதானால் பாஜகவுக்கு பேரவையில் இடம் கிடைக்கவில்லை. ஆனாலும் தேர்தலில் பாஜக வலுவான போட்டியைத் தந்தது. அடுத்து வரும் தேர்தலில் வெற்றி பெறுவோம் என்ற நம்பிக்கை உள்ளது. வெற்றிக்காக தொடர்ந்து உழைப்போம் இலங்கை கடற்படையினரால் 23 தமிழக மீன்வர்கள் கடத்தப்பட்டுள்ளனர். இது போன்ற சம்பவங்கள் தொடர்ந்து வருவதை ஒரு போதும் ஏற்றுக் கொள்ளவே முடியாது.

##* :”@: