இணையதளம் விபரீதம் !

by **abuajmal** Thu 4 Aug 2011 - 19:35

ஒருவரை எவ்வாறு கொலை செய்வது என்பது குறித்த விபரங்களை இணையத்தில் ஆய்வு செய்து பெற்றுக்கொண்ட நபரொருவர், தனது மனைவியை 100 தடவைகள் கத்தியால் குத்தி கொடூரமாக கொலை செய்ததாக லண்டன் நீதிமன்றமொன்றில் தெரிவிக்கப்பட்டுள்ளது.

43 வயதான அல்பிரீடோ மெரிகோ எனும் இந்நபர், தனது மனைவியான லிண்டா (வயது 40) என்பவரை இவ்வாறு கொலை செய்துள்ளார்.

இவர் இரண்டு வயதான தனது குழந்தை அருகில் உள்ள நாற்காலியில் அமர்ந்திருந்த நிலையில், தனது மனைவியை 100 தடவைகள் கத்தியால் குத்தி கொலை செய்துள்ளார். பின்பு அவர்; சடலத்தை வீதியொன்றில் வீசியுள்ளார் என ஷீபீல்ட் கிறவுன் நீதிமன்றில் தெரிவிக்கப்பட்டது.

கொலைக் குற்றத்திற்கான தண்டனை என்னவென்பதையும் இவர் ஆராய்ந்தாராம்.

மெரிகோவும் லிண்டாவும் 2008 ஆம் ஆண்டு திருமணம் செய்தனர். இருவரின் திருமண வாழ்க்கையும் புயல் மிகுந்ததாகவே இருந்ததாம்.

தன்னை தனது கணவர் மெரிகோ சந்தேகிப்பதாகவும் தன்னை கட்டுப்படுத்த முயன்றதாகவும் லிண்டா குற்றம் சுமத்தினாராம்.

அதன் பின்பு லிண்டா விவாகரத்திற்கு ஏற்பாடு செய்துவிட்டு தனது வாடகை வீட்டிற்கு கடந்த 2009 ஆம் ஆண்டு சென்றுள்ளார்.