பாகிஸ்தானில் அமெரிக்கர் கடத்தல்

by **நண்பன்** Mon 15 Aug 2011 - 9:46

பாகிஸ்தானில் அமெரிக்கர் கடத்தல்

பாகிஸ்தானில் உள்ள லாகூர் நகருக்கருகில் அமெரிக்கர் ஒருவர் கடந்த சனிக்கிழமை
அதிகாலை அடையாளம் தெரியாத கும்பல் ஒன்றால் கடத்தப்பட்டார். அவர் பழங்குடியின
பகுதியில் வளர்ச்சி திட்டப் பணிகளில் ஈடுபட்டு வந்தவர் என்பது குறிப்பிடத்தக்கது.
ஜோசன் வோர்னர் (65) என்ற அமெரிக்கர் பாகிஸ்தானில் ஐந்து வருடங்களாக வசித்து
வருகிறார். ஆப்கானிஸ்தான் எல்லையில் உள்ள பழங்குடியின பகுதிகளில் வளர்ச்சி திட்டப்
பணிகளில் வேலை செய்து வந்தார். அவர் வசித்து வந்த வீட்டில் சனிக்கிழமை அதிகாலை 3.30
மணியளவில் நுழைந்த 8 பேரடங்கிய அடையாளம் தெரியாத கும்பல் ஒன்று அவரை இழுத்துச்
சென்றது. ரமழான் மாதத்திற்குரிய காலை உணவை தயாரித்துக் கொண்டிருந்த அவரின்
பாதுகாவலர்கள் தாக்கப்பட்டனர். மூத்த காவல்துறை அதிகாரிகளும், லாகூர் காவல்துறை
உயரதிகாரியும் மற்றும் உளவு நிறுவன அதிகாரிகளும் சம்பவ இடத்தை பார்வையிட்டனர்.
லாகூர் நகரம் முழுவதும் சோதனைச் சாவடிகள் அமைக்கப்பட்டுள்ளன. பல்வேறு இடங்களில்
தேடும் பணி நடைபெற்று வருகின்றன. அவர் ஏன் கடத்தப்பட்டார் என்பது உடனடியாக
தெரியவரலில்லை. இது போன்ற கடத்தல் பாகிஸ்தானில் அடிக்கடி நடைபெறுவதுதான் என்ற
போதிலும், வெளிநாட்டினர் கடத்தப்படுவது அரிதான சம்பவமாகும்.