வியன்னா மியூசியத்தில் ' சிறுநீரால்' முகம் கழுவி அழகு தெரபி எடுத்த ஊழியர்

ஆஸ்திரிய அருங்காட்சியக ஊழியர் தனது சிறுநீரால் தினமும் கை, முகம் கழுவி வந்ததால் வேலையில் இருந்து நீக்கப்பட்டார்.



ஆஸ்திரியாவின் வியன்னாவில் (Vienna) வரலாற்று சிறப்புமிக்க அருங்காட்சியகம் உள்ளது. இங்கு மிகமிக அரிதான் ஓவியங்கள், நினைவுச் சின்னங்கள் பாதுகாக்கப்பட்டு வருகின்றன. இதை சுற்றிப் பார்க்க தினமும் ஏராளமான சுற்றுலா பயணிகள் வந்து செல்கின்றனர். அருங்காட்சியகத்தில் பணியாற்றியவர் ஆல்பிரட் சோப்பெல்ட். இவருக்கு வயது 57. இவர் தினமும் வேலைக்கு வந்ததும் தனது சிறுநீரால் முகம், கைகளை கழுவி வந்துள்ளார். இதை ஒரு நாள் மற்ற ஊழியர்கள் பார்த்து அதிர்ச்சி அடைந்துவிட்டனர். இதுகுறித்து அதிகாரிகளுக்கு தகவல் கொடுத்தனர்.




உடனடியாக ஒரு கடிதம் ஆல்பிரட் பெயரில் அதிகாரிகள் பேக்ஸ் அனுப்பினர். அதில், சிறுநீரால் நீங்கள் உங்கள் முகம், கைகளை கழுவி வருவதன் மூலம் சக ஊழியர்களின் சுகாதாரத்தை கெடுக்கிறீர்கள். அத்துடன் வேலை செய்யும் இடத்தின் தூய்மையை கெடுக்கிறீர்கள். எனவே உங்களை பணியில் இருந்து நீக்குகிறோம் என்று தெரிவிக்கப்பட்டது.




இதுகுறித்து ஆல்பிரட் கூறுகையில், மியூசியத்தில் 23 வருடமாக வேலை செய்தேன். தினமும் யூரின் தெரபி எடுக்கிறேன். இதற்கு முன்பு இது ஒரு பிரச்னையாக இருந்ததில்லை. திடீரென இதை பெரிதுபடுத்தி வேலையில் இருந்து நீக்கி விட்டனர் என்று பரிதாபமாக கூறுகிறார். உலகில் பலர் சிறுநீர் தெரபி என்ற பெயரில் தங்களது சிறுநீரை பருகுவதும், உடலில் பூசிக் கொள்வதுமாக உள்ளனர். இதனால் உடல் ஆரோக்கியமாக உள்ளதாக அவர்கள் நம்புகின்றனர். இது அறிவியல் பூர்வமாக இன்னும் நிரூபிக்கப்படவில்லை.

:!.: :!.: :!.: :!.:

இது முதலாம் இலக்க லூசி /)