உண்ணாவிரதம் தொடங்கவிருந்த அன்னா ஹசாரே கைது: ஊழல் எதிர்ப்புப் போராட்டம் நசுக்கப்படுவதாக கண்டனங்கள்

உண்ணாவிரதம் தொடங்கவிருந்த அன்னா ஹசாரே கைது: ஊழல் எதிர்ப்புப் போராட்டம் நசுக்கப்படுவதாக கண்டனங்கள்
பாராளுமன்றத்தில் அமளிதுமளி; அமெரிக்காவிலும் இந்திய மாணவர் கோஷம்
புதுடில்லி:
டில்லியில் உண்ணாவிரதம் தொடங்க விருந்த காந்தியவாதியான அன்னா ஹசாரே நேற்று காலையில் அவரது வீட்டில் இருந்து பொலிஸார் கைது செய்து அழைத்து சென்றனர்.

இவரை கைது செய்யவில்லை அப்புறப்படுத்தி யிருக்கிறோம் என்று சொன்னாலும், ஜனநாயக ரீதியிலான போராட்டத்திற்கு உரிமை மறுக்கும் மத்திய அரசுக்கு எதிர்க் கட்சிகள் மற்றும் ஹசாரே ஆதர வாளர்கள் கடும் எதிர்ப்பு தெரிவித்துள்ளனர்.

இந்த விவகாரம் பாராளு மன்றத்திலும் ஒலித்தது. எதிர்க் கட்சியினர் தொடர்ந்து அமளியில் ஈடுபட்டதால் இரு அவைகளும் ஒத்திவைக்கப் பட்டன.

இந்திய கம்யூனிஸ்ட் கட்சி தனது கண்டனத்தில் மத்திய அரசின் இந்த நடவடிக்கை சரியானது அல்ல. ஹசாரே தனது எதிர்ப்பை காண்பிக்க அவருக்கு உரிமை இருக்கிறது. இது மறுக்கப்பட்டுள்ளது. ஜனநாயகத்தை கேலிக்கூத்தாக்குவதற்கு சமம் என இக்கட்சி சார்பில் வெளியிடப்பட்டுள்ள செய்திக்குறிப்பில் கூறப்பட்டுள்ளது.

மார்க்., கம்யூ., கட்சி தரப்பில் ஹசாரே கைது செய்யப்பட்டதன் மூலம் ஊழலுக்கு எதிராக போராடுபவர்களை ஊழல் வாதிகளால் பொறுத்துக்கொள்ள முடியவில்லை என்று கூறப்பட்டுள்ளது.

ஜனநாயக மாண்பை குலைக்கும் சதி என பா. ஜ. கட்சி தரப்பில் வெளியிடப்பட்டுள்ள அறிக்கையில் கூறப்பட்டுள்ளது. கட்சியின் மூத்த தலைவர் அத்வானி, ஹசாரே கைது ஒன்றும் வியப்பளிக்கவில்லை. அரசு இப்படித்தான் செய்யும் என்று தெரியும் என்ற கருத்தை மேற்கோள் காட்டி கூறியிருக்கிறார்.

ஹசாரே குழுவில் இடம்பெற்றுள்ள முன்னாள் லோக் அயுக்தா தலைவர் சந்தோஷ் ஹெக்டே இது பொலிஸாரின் வரம்பு மீறிய செயல், இப்படி நடக்கும் என்று எதிர்பார்க்கவில்லை என்று குறிப்பிட்டுள்ளார். ஓய்வுபெற்ற பொலிஸ் அதிகாரி கிரண்பேடி, இது அவசர நிலையை மீண்டும் நினைவுபடுத்துகிறது.

சட்டவிரோதமான செயல், ஜனநாயகத்தை அரசு கொலை செய்திருக்கிறது என்றார். பிரசாந்தி பூஷண் தனது அறிக்கையில், ஊழலுக்கு எதிராக நியாயமாக போராடுபவர்களை அரசு நசுக்க பார்க்கிறது. இதுவே சட்டவிரோதமானதும், ஜனநாயகத்திற்கு எதிரானதும் ஆகும்.

அன்னா ஹசாரே கைது செய்யப்பட்டதற்கு கண்டனம் தெரிவித்து அமெரிக்க பல்கலைக்கழக மாணவர்கள் கல்லூரியை புறக்கணித்து ஆர்ப்பாட்டம் நடத்தினர். இந்திய தூதரகம் முன்பாக திரண்ட மாணவர்கள் ஹசாரேவுக்கு ஆதரவாக கோஷங்கள் எழுப்பினர்.

ஊழலை தடுப்பதில் மத்திய அரசு தோல்வி அடைந்து விட்டதாலும் போராடுவதற்கான அடிப்படை உரிமை மறுக்கப்பட்டிருப்பதாலும் நியாயமான அரசு நடக்கிறதா என்று சந்தேகம் எழுந்திருப்பதாக எழுதிய மனு ஒன்றையும் மாணவர்கள் தூதரக அதிகாரிகளிடம் கொடுத்தனர்.

ஹசாரே கைது செய்யப்பட்ட விவகாரம் குறித்து எதிர்க் கட்சி எம்.பி.க்கள் கடும் எதிர்ப்பை தெரிவித்தனர். பாராளுமன்றத்தில் கேள்வி நேரத்தை ஒத்தி வைத்துவிட்டு ஹசாரே கைது விவகாரம் குறித்து விவாதிக்கப்பட வேண்டும். இதற்கு அரசு விளக்கம் அளிக்க வேண்டும் என்றும் பா. ஜ. எம்.பி.க்கள் குரல் கொடுத்தனர்.

இது ஒரு அரசியல் நாடகம் .

அன்னா ஹசாரே ஒரு கோமாளி இவனை வைத்து பி ஜே பி நாடகம் போடுகிறது

jasmin wrote:அன்னா ஹசாரே ஒரு கோமாளி இவனை வைத்து பி ஜே பி நாடகம் போடுகிறது