ஒடுக்கப்பட்டவர்களின் உயர்கல்வியை பாதிக்கும்: பட்டப்படிப்புகளுக்கு பொது நுழைவுத்தேர்வு நடத்த கூடாது

by **நண்பன்** Sun 21 Aug 2011 - 11:32

ஒடுக்கப்பட்டவர்களின் உயர்கல்வியை பாதிக்கும்: பட்டப்படிப்புகளுக்கு பொது நுழைவுத்தேர்வு நடத்த கூடாது; டாக்டர் ராமதாஸ் வலியுறுத்தல்
சென்னை, ஆக. 21-

பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது:-

2013ஆம் கல்வியாண்டு முதல் இளம்கலை மற்றும் அறிவியில் பட்டப்படிப்புகளுக்கு நாடு தழுவிய அளவில் பொது நுழைவுத் தேர்வு நடத்த மத்திய அரசு திட்டமிட்டிருப்பதாகவும், அதற்கான ஆலோசனைகள் நடத்தப்பட்டு வருவதாகவும் மத்திய மனித வள மேம்பாட்டுத் துறை அமைச்சர் கபில் சிபல் கூறியிருக்கிறார்.

அமைச்சரின் இந்த அறிவிப்பு ஒடுக்கப்பட்ட மாணவர்களின் உயர் கல்வி கனவுகளை பொசுக்கும் வகையில் அமைந்திருக்கிறது. இதை பா.ம.க. சார்பில் கடுமையாக கண்டிக்கிறேன். பொருளாதாரத்துறையில் இந்தியா வளர்ச்சி அடைந்து விட்டதாக மத்திய அரசு மார் தட்டிக் கொள்ளும் போதிலும் உயர்கல்வியில் இந்தியா இன்னும் பின் தங்கிய நிலையில் தான் உள்ளது.

உலகின் மிகச்சிறிய நாடுகளிலெல்லாம் உயர் கல்வி கற்கும் மாணவர்களின் எண்ணிக்கை 30 விழுக்காட்டிற்கும் கூடுதலாக இருக்கும் நிலையில், இந்தியாவில் உயர்கல்வி கற்போரின் எண்ணிக்கை வெறும் 12.5 விழுக்காடாகவே உள்ளது. அதாவது இந்தியாவில் தொடக்க பள்ளிகளில் சேரும் மாணவர்களில் 87.5 விழுக்காடு மாணவர்களுக்கு உயர்கல்வி கிடைப்பதில்லை.மிகப் பெரிய சமூக அநீதி ஆகும்.

இந்தியாவில் பணக்காரர்களும், உயர் சாதியினரும் தான் உயர்கல்வி கற்க வேண்டும் என்ற எண்ணத்தில் ஆதிக்க சக்தியினர் விதித்த கட்டுப்பாடுகளால் தான் உயர்கல்வி வாய்ப்புகள் அனைவருக்கும் எட்டாக்கனியாக இருந்தன. மத்திய அரசின் உயர் கல்வி நிறுவனங்களில் பிற பிற்படுத்தப்பட்ட வகுப்பினருக்கு 27 சதவீத இட ஒதுக்கீடு நடைமுறைப் படுத்தப்பட்ட பிறகு தான் ஆதிக்க சக்தியினரின் கட்டுப்பாடுகள் உடைக்கப்பட்டு சாதாரண மக்களும் உயர் கல்வி கற்க முடியும் என்ற நிலை ஏற்பட்டிருக்கிறது.

இந்தியாவில் உயர்கல்வி கற்போரின் எண்ணிக்கையை அதிகரிக்க ஆயிரம் பல்கலைக்கழகங்களையும், ஒரு லட்சத்திற்கும் மேற்பட்ட கல்லூரிகளையும் புதிதாக தொடங்க வேண்டும் என்று மத்திய அரசு இலக்கு நிர்ணயித்துள்ளது. ஆனால் அமைச்சர் தெரிவித்துள்ள யோசனையோ உயர்கல்வி கற்போரின் எண்ணிக்கையை குறைக்கும் வகையில் அமைந்துள்ளது.

ஏழை மற்றும் கிராமப்புற மாணவ-மாணவியரின் கல்வி வாய்ப்புகளை நுழைவுத் தேர்வு பறித்து விடும் என்பதை நன்றாக உணர்ந்திருந்தும் அதை செயல்படுத்த கபில்சிபல் துடிப்பதை பிற்படுத்தப்பட்ட தாழ்த்தப்பட்ட பழங்குடியினருக்கு எதிரான சதியாகவே கருத வேண்டியிருக்கிறது.

எனவே பட்டப்படிப்பு மாணவர்களுக்கு பொது நுழைவுத் தேர்வு நடத்தும் திட்டத்தை, ஆய்வு நிலையிலேயே கைவிட வேண்டும். அனைத்து படிப்புகளுக்கும் தேசிய அளவில் நுழைவுத் தேர்வு நடத்த முயற்சிப்பதன் மூலம் மாநில அரசுகளின் கல்வி உரிமையை கபில்சிபல் பறித்து வருகிறார்.

இதே நிலை நீடித்தால், கல்வித் துறையையே மாநில பட்டியலில் இருந்து பறித்து மத்திய பட்டியலில் சேர்த்து விடுவார். எனவே கபில்சிபலின் இந்த முயற்சிகளை எதிர்த்து தமிழக அரசும் குரல் கொடுக்க வேண்டும்.

இவ்வாறு அந்த அறிக்கையில் கூறி உள்ளார்.

மாலை மலர்

by **jasmin** Sun 21 Aug 2011 - 13:00

மரம்வெட்டும் வேலை இப்பொது இல்லை அதனால் அறிக்கை விட்டுக்கொண்டு இருக்கிறார்

by **நண்பன்** Sun 21 Aug 2011 - 13:02

jasmin wrote:மரம்வெட்டும் வேலை இப்பொது இல்லை அதனால் அறிக்கை விட்டுக்கொண்டு இருக்கிறார்

அப்படியா :cheers: :cheers:

by Sponsored content

ஒடுக்கப்பட்டவர்களின் உயர்கல்வியை பாதிக்கும்: பட்டப்படிப்புகளுக்கு பொது நுழைவுத்தேர்வு நடத்த கூடாது

ஒடுக்கப்பட்டவர்களின் உயர்கல்வியை பாதிக்கும்: பட்டப்படிப்புகளுக்கு பொது நுழைவுத்தேர்வு நடத்த கூடாது

Re: ஒடுக்கப்பட்டவர்களின் உயர்கல்வியை பாதிக்கும்: பட்டப்படிப்புகளுக்கு பொது நுழைவுத்தேர்வு நடத்த கூடாது

Re: ஒடுக்கப்பட்டவர்களின் உயர்கல்வியை பாதிக்கும்: பட்டப்படிப்புகளுக்கு பொது நுழைவுத்தேர்வு நடத்த கூடாது

Re: ஒடுக்கப்பட்டவர்களின் உயர்கல்வியை பாதிக்கும்: பட்டப்படிப்புகளுக்கு பொது நுழைவுத்தேர்வு நடத்த கூடாது