கவர்ச்சி நடிகை இளைஞர் காங்கிரஸ் தலைவராக கூடா

by **நேசமுடன் ஹாசிம்** Thu 29 Sep 2011 - 14:45

கர்நாடகத்தில் இளைஞர் காங்கிரஸ் தலைவர் பதவியில் போட்டியிடப்போவதாக அறிவித்திருந்த நடிகை ரம்யா,
இப்போது திடீரென விலகியுள்ளார்.

கன்னடத்தில் முன்னணி நடிகையாக இருப்பவர் நடிகை திவ்யா ஸ்பந்தனாஸ் அலைஸ் குத்து ரம்யா. தமிழிழும் குத்து, கிரி, வாரணம் ஆயிரம், சிங்கம் புலி உள்ளிட்ட படங்களில் நடித்துள்ளார். மத்திய அமைச்சர் எஸ்.எம்.கிருஷ்ணாவின் பேத்தியான இவர், காங்., பொதுச் செயலாளர் ராகுல் மீதான பற்றால் கர்நாடக காங்கிரஸ் கட்சியில் சேர்ந்தார். இதற்கிடையே அக்டோபர் 12-ந் தேதி நடைபெற உள்ள இளைஞர் காங்கிரஸ் தேர்தலில் தலைவர் பதவிக்கு ரம்யா போட்டியிட வேண்டும் என்று அவரது ஆதரவாளர்கள் வற்புறுத்தினர். ரம்யாவும் அதனை ஏற்று தேர்தலில் போட்டியிடப் போவதாக அறிவித்தார். அதற்கு முன்னோட்டமாக சமீபத்தில் காந்தி நகர் சட்ட மன்ற தொகுதியில் வாக்குச் சாவடி அளவில் நடந்த கட்சி தேர்தலில் போட்டியிட்டு வெற்றி பெற்றார்.

ஒருபக்கம் அரசியலில் ரம்யா தீவிர காட்ட, மற்றொருபக்கம் அவருடைய வளர்ச்சி அங்குள்ள மூத்த காங்., தலைவர்களுக்கு கோபத்தை ஏற்படுத்தியது. ரம்யா இளைஞர் தேர்தலில் போட்டியிட கூடாது என எதிர்ப்பு கிளம்பியது. கவர்ச்சி நடிகை இளைஞர் காங்கிரஸ் தலைவராக கூடாது என விமர்சித்து போஸ்டர்களும் ஒட்டப்பட்டது. இதனிடையே இளைஞர் காங்கிரஸ் தலைவர் பதவிக்கு போட்டியிட போவதாக அறிவித்திருந்த ரம்யா, கடைசி நாள் வரை வேட்புமனு தாக்கல் செய்ய வரவில்லை. காங்கிரஸ் கட்சியினரின் எதிர்ப்பால் அவர் போட்டியிடமால் விலகியிருக்க கூடும் என்று கூறப்படுகிறது.