மீண்டும் ஆஜராவது பற்றி கோர்ட்டுதான் முடிவு செய்ய வேண்டும்; சரண் அடைய முடியாமல் திரும்பிய நடிகை குஷ்ப

கடந்த சட்டமன்ற தேர்தலில் ஆண்டிப்பட்டி தொகுதியில் போட்டியிட்ட
தி.மு.க. வேட்பாளர் எல்.மூக்கையா, போடி வேட்பாளர் லட்சுமணன் ஆகியோரை
ஆதரித்து நடிகை குஷ்பு ஆண்டிப்பட்டி மற்றும் பழனிசெட்டிபட்டி ஆகிய
பகுதிகளில் தேர்தல் பிரசாரம் செய்தார்.

ஆண்டிபட்டியில்
தேர்தல் பிரசாரம் செய்தபோது தேர்தல் விதிமுறைகளை மீறி அதிக வாகனங்களில்
சென்றதாகவும், போக்குவரத்திற்கு இடையூறு ஏற்படுத்தியதாகவும் ஆண்டிப்பட்டி
போலீஸ் நிலையத்தில் நடிகை குஷ்பு மீது வழக்கு பதிவு செய்யப்பட்டது. இந்த
வழக்கு சம்பந்தமாக போலீசார் குற்றப்பத்திரிக்கையை தாக்கல் செய்தனர்.

இதனை
தொடர்ந்து நடிகை குஷ்பு உயர்நீதிமன்ற மதுரை கிளையில் ஜாமீன் வேண்டி மனு
தாக்கல் செய்திருந்தார். இந்த மனுவை விசாரித்த நீதிபதி ஆண்டிப்பட்டி
மாஜிஸ்திரேட் கோர்ட்டில் சரணடைந்து ஜாமீன் பெற்றுக் கொள்ளலாம் என்று
உத்தரவிட்டார். இதனை தொடர்ந்து நேற்று காலை சென்னையில் இருந்து விமானம்
மூலம் மதுரை வந்த குஷ்பு கார் மூலம் தேனி மாவட்டம், ஆண்டிப்பட்டி மாஜிஸ்
திரேட் கோர்ட்டுக்கு வந்தார்.

ஆனால் மாஜிஸ்திரேட்
சுந்தர்ராஜன் விடுமுறையில் சென்றிருந்தார். இதனை தொடர்ந்து பெரியகுளம்
மாஜிஸ்திரேட் கோர்ட்டில் சரணடைவதற்காக பெரிய குளத்திற்கு வந்தார். ஆனால்
பெரியகுளத்திலும் மாஜிஸ் திரேட் சங்கர் விடுமுறையில் சென்றதால் அந்த
கோர்ட்டிலும் சரணடைய முடியவில்லை. சுமார் 1 மணி நேரத்திற்கு மேலாக
பெரியகுளத்தில் காத்திருந்த குஷ்பு தி.மு.க. வழக்கறிஞர்களுடன் ஆலோசனை
செய்தார்.

இதன்பின்னர் கோர்ட்டில் சரணடையாமல் நடிகை
குஷ்பு மீண்டும் சென்னை திரும்பினார். இதுகுறித்து நடிகை குஷ்புவிடம்
கேட்ட போது, மாஜிஸ்திரேட்கள் விடுமுறையில் சென்று விட்டதால் சரணடையவில்லை
என்று தெரிவித்தார். மீண்டும் எப்போது சரணடைவீர்கள் என்று கேட்டபோது,
கோர்ட்டுதான் முடிவு செய்ய வேண்டும் என்று கூறிவிட்டு சென்றுவிட்டார்

இப்ப நடந்த தேர்தலுக்கு இது போல விதிலில்லையா?