சபையில் நடந்த சம்பவங்களுக்கு ரணில் விக்கிரமசிங்கவே மூலகாரணம் லோரன்ஸ் செல்வநாயகம்

சபையில் நடந்த சம்பவங்களுக்கு ரணில் விக்கிரமசிங்கவே மூலகாரணம்
லோரன்ஸ் செல்வநாயகம்
பாராளுமன்றத்தில் வரவு செலவுத் திட்ட உரையின்போது இடம்பெற்ற சம்பவத்திற்கு எதிர்க் கட்சித் தலைவர் ரணில் விக்கிரமசிங்கவே மூல காரணம். அவரே கட்சியினரைத் தூண்டி விட்டாரென அமைச்சர் மைத்திரிபால சிறிசேன தெரிவித்தார். தமது ஆட்சிக் காலத்தில் பாராளுமன்றத்துக்குள் வன்முறையை அறிமுகப்படுத்தியவர்கள் இப்போது ஜனநாயகம் பற்றி சர்வதேச ரீதியில் பிரசாரம் மேற்கொள்வது விந்தையாக வுள்ளதெனவும் அவர் தெரிவித்தார்.

இம்முறை வரவு செலவுத் திட்டம் மூலம் மக்களுக்குக் கிடைக்கவுள்ள நன்மைகள் தொடர்பில் ஊடகவியலாளர்க ளுக்கு விளக்கும் செய்தியாளர் மாநாடொன்று நேற்று தகவல் திணைக்கள கேட்போர் கூடத்தில் நடைபெற்றது.

அமைச்சர்கள் ரவூப் ஹக்கீம், பாட்டலி சம்பிக்க ரணவக்க, பந்துல குணவர்தன சிரேஷ்ட அமைச்சர் சரத் அமுனுகம உட்பட முக்கிஸ்தர்கள் பலரும் கலந்து கொண்ட இம்மாநாட்டில் விளக்கமளிக்கை யிலேயே அமைச்சர் மைத்திரிபால சிறிசேன இவ்வாறு தெரிவித்தார்.

அமைச்சர் தமதுரையில் மேலும் தெரிவித்தாவது;

பாராளுமன்றத்தில் ஆளும் கட்சியினர் எதிர்க்கட்சியனரைத் தாக்கியதாக எதிர்க்கட்சித் தலைவர் ரணில் விக்கிரமசிங்க சர்வதேச ரீதியில் பிரசாரங்களை மேற்கொண்டுள்ளார். 1974-1994 காலகட்டங்களில் பாராளுமன்றத்தில் ஐக்கிய தேசியக் கட்சியினர் மேற்கொண்ட வன்முறைகளை மறந்து அவர் பேசுகிறார்.

17 வருடகாலம் தேர்தலை நடத்தாமல் சர்வஜன வாக்கெடுப்பு மூலம் தொடராக ஆட்சி நடத்தியும் நீதிமன்ற தீர்ப்பினைக் கூட கணக்கெடுக்காமல் தமது மூன்றில் இரண்டு பெரும்பான்மை பலத்தை வைத்துக் கொண்டு அரசியல் யாப்பையே திருத்தியமைத்து அராஜக ஆட்சி நடத்தியவர்கள் இன்று ஜனநாயகம் பற்றி பேசுகின்றனர்.

‘நாம் எந்த குற்றமும் செய்யவில்லை ஏன் எம்மைத் தாக்குகின்றனர்” என குற்றஞ் சுமத்தி வருகிறார். இத்தகைய ஒரு சம்பவத்துக்கு அவரே மூல காணரம். அத்தோடு அவர்களது ஆட்சிக்காலத்தில் அவர்கள் எம்மைத் தாக்கியமை, இம்சை செய்ததை நாம் என்னவென்று சொல்வது? பாதாள உலக கோஷ்டி போல செயற்பட்டவர்கள் இன்று ஜனநாயகம் பற்றி பேசுகின்றனர்.

இது போன்ற சம்பவங்களை சர்வதேச நாடுகளுக்குத் தெரிவிக்க வேண்டிய அவசியமில்லை. மக்கள் இவர்களைக் கணக்கெடுக்காததாலேயே மக்களிடம் கூற வேண்டியதையெல்லாம் புலிகளின் ஆதரவோடு வெளிநாடுகளுக்குத் தெரிவித்து வருகின்றனர் எனவும் அவர் மேலும் தெரிவித்தார்.

அப்போ அவர்கள் செய்தார்கள் அதற்கு பழிதீர்ப்பதற்கா இந்த ஈனச்செயல்கள் நாட்டுக்கே பங்கம் விளைவிக்க வல்லது என்பதை மறந்து செயல்படுகின்ற ஆட்சியாளர்கள் இதுவெல்லாம் எம் தலையெழுத்து

ஹாசிம் சொல்வது உண்மை சிந்திக்க வேண்டிய விஷயம் இது