சிரியா மீது அரபு லீக் பொருளாதார தடை

சிரியா மீது அரபு லீக் பொருளாதார தடை
சிரியா மீது அரபு லீக் பொருளாதார தடை விதித்துள்ளது. சிரியாவில் தொடரும் வன்முறைகளை நிறுத்த அந்நாட்டு அரசு தவறியதைத் தொடர்ந்தே அரபு லீக் இந்த நடவடிக்கையை எடுத்துள்ளது.

எகிப்து தலைநகரில் நேற்று முன்தினம் கூடிய அரபு லீக் அமைப்பின் வெளியுறவு அமைச்சர்கள் கூட்டத்தில் சிரியா மீதான பொருளாதார தடை விதிக்கும் தீர்மானம் பெரும்பான்மை வாக்குகளுடன் நிறைவேறியது. இதில் 22 நாடுகளைக் கொண்ட அரபு லீக்கீல் தீர்மானத்திற்கு ஆதரவாக 19 நாடுகள் வாக்களித்தன.

வர்த்தக ரீதியில் சிரியாவின் நெருங்கிய நாடுகளான ஈராக், லெபனானும் தீர்மானத்திற்கு ஆதரவாக வாக்களித்தமை குறிப்பிடத்தக்கது.

இத்தீர்மானத்தின்படி சிரிய மத்திய வங்கியுடனான அரபு லீக் நாடுகளின் அனைத்து தொடர்புகளும் துண்டிக்கப்படும். சிரியாவில் முன்னெடுக்கப்படும் அனைத்து செயற் திட்டங்களும் நிறுத்தப்படும். சிரியாவின் சிரேஷ்ட அதிகாரிகள் அரபு நாடுகளுக்கு பயணம் செய்ய தடை விதிக்கப்படும். அரபு நாடுகளில் இருக்கும் பஷர் அல் அசாத் அரசின் சொத்துக்கள் அனைத்தும் முடக்கப்படும்.

இந்த பொருளாதாரத் தடை சிரிய அரசுக்கு பெரும் பின்னடைவை ஏற்படுத்தியுள்ளது. சிரிய அரச தகவலின் படி, சிரியாவின் 52.5 வீதமான ஏற்றுமதிகள் அரபு நாடுகளிலேயே முன்னெடுக்கப்படும். சிரியாவுக்கான 16.4 வீதமான இறக்குமதிகள் அரபு நாடுகளில் இருந்தே வருகிறது.

இதேவேளை சிரியா மீதான இந்த தடை சிரிய நாட்டு மக்களை இலக்கு வைத்து செயற்படுத்தப்பட்டுள்ளதாக அந்நாட்டு அரச ஊடகமான அல் - தவ்ரா செய்தி வெளியிட்டுள்ளது. அரபு லீக்கின் தீர்மானம் சட்ட விரோதமான முரண்பாடான முடிவாகும் என அந்த செய்தியில் குறிப்பிடப்பட்டுள்ளது.

சிரியாவில் அரச எதிர்ப்பு ஆர்ப்பாட்டக்காரர்கள் மீது பாதுகாப்புப் படையினர் தொடர்ச்சியாக தாக்குதல்களை நடத்தி வருவதாக அங்கிருந்துவரும் செய்திகள் தெரிவிக்கின்றன. கடந்த 8 மாதங்களாக நீடிக்கும் இந்த வன்முறைகளால் 3,500 க்கும் மேற்பட்டோர் கொல்லப்பட்டுள்ளதாக ஐ. நா. அண்மையில் வெளியிட்ட அறிக்கையில் குறிப்பிட்டுள்ளது.

இந்நிலையில் சிரியாவில் தொடரும் வன்முறைகளை முடிவுக்கு கொண்டுவர அரபு லீக் அமைப்பு தீர்வுத் திட்டம் ஒன்றை முன்வைத்தது. எனினும் அதனை ஏற்க சிரியா மறுத்துவிட்டது. இத்தீர்வுத்திட்டத்தை ஏற்க சிரிய அரசுக்கு அரபு லீக் கடந்த வெள்ளிக்கிழமை வரை கெடு விதித்திருந்தது. எனினும் சிரியா இந்த தீர்வுத் திட்டத்தை முன்னெடுக்காததைத் தொடர்ந்தே அரபு லீக் சிரியா மீது பொருளாதார தடை வித்தித்துள்ளமை குறிப்பிடத்தக்கது.

இந்நிலையில் சிரிய அரசு தனது நிலைப்பாட்டை மாற்றிக்கொள்ளும்பட்சத்தில், அதன் மீதான தடையை மீள் பரிசீலனை செய்ய அரபு லீக் தயாராக இருப்பதாக லீக் அமைப்பின் பொதுச் செயலாளர் நபில் அலரபி தெரிவித்துள்ளார்.

அடப்பாவிகளா வெந்த புண்ணில் வேல் பாஞ்சது போல் ஆகி விட்டதே மக்கள் நலம் கருதி அந்த நாயும் விட்டுக்கொடுக்கிறான் இல்லையே

ஏனோ இதுக்கு படை எடுக்கவில்லை நேட்டோ ?

அங்கு ஒண்ணுமில்லை
அதனால் டாட்ட ,
அரபுகள் சொல்லுகிறார்கள்
மீண்டும் எங்கள் அடிமை சாசனம்
தொடரும்
கிளிப்பிள்ளையாய்

kalainilaa wrote:ஏனோ இதுக்கு படை எடுக்கவில்லை நேட்டோ ?

அங்கு ஒண்ணுமில்லை
அதனால் டாட்ட ,
அரபுகள் சொல்லுகிறார்கள்
மீண்டும் எங்கள் அடிமை சாசனம்
தொடரும்
கிளிப்பிள்ளையாய்

இதுதான் உண்மை

தேவை இல்லாத தலையீடு அதே சமயம் பஷார் செய்வதும் அட்டூளியம்தான்

jasmin wrote:தேவை இல்லாத தலையீடு அதே சமயம் பஷார் செய்வதும் அட்டூளியம்தான்