ஹசாரே போராட்டத்திற்கு டில்லி மாநகராட்சி அனுமதி

by *சம்ஸ் Tue 29 Nov 2011 - 6:29

ஹசாரே போராட்டத்திற்கு டில்லி மாநகராட்சி அனுமதி
சமூக சேவகர் அன்னா ஹசாரே, டில்லி ராம்லீலா மைதானத்தில் போராட்டம் நடத்துவதற்கு டில்லி மாநகராட்சி அனுமதி வழங்கியுள்ளது.

நாடாளுமன்றத்தில் குளிர்கால கூட்டத் தொடரில், வலுவான லோக்பால் மசோதாவை நிறைவேற்ற வேண்டும் என்று சமூக சேவகரும், காந்தியவாதியுமான அன்னா ஹசாரே வலியுறுத்தி வருகிறார்.

இல்லையென்றால் ஐந்து மாநிலங்களில் நடக்கும் சட்டசபை தேர்தல்களில் காங்கிரஸ் கட்சிக்கு எதிராக பிரசாரம் செய்வதுடன், மீண்டும் உண்ணாவிரத போராட்டம் நடத்தப் போவதாகவும் அறிவித்துள்ளார்.

நாடாளுமன்றில் குளிர்காலக் கூட்டத் தொடரிலேயே லோக்பால் மசோதா நிறைவேற்றப்படும் என அரசு சார்பில் தெரிவிக்கப்பட்டுள்ளது. லோக்பால் வரைவு மசோதா தற்போது நாடாளுமன்ற நிலைக் குழுவின் பரிசீலனையில் இருந்து வருகிறது.

இந்நிலையில் நடப்பு கூட்டத் தொடரில் லோக்பால் மசோதா நிறை வேற்றப்படாவிட்டால் டில்லி ராம்லீலா மைதானத்தில் போராட்டம் நடத்துவதற்கு அன்னா ஹசாரே முடிவு செய்துள்ளார்.

இதற்காக டில்லி மாநகராட்சியிடம், அனுமதி கோரி விண்ணப்பிக்கப்பட்டிருந்தது. இதனை ஏற்று டிசம்பர் 27 முதல் ஜனவரி 5ம் திகதி வரை ராம்லீலா மைதானத்தில் உண்ணாவிரதப் போராட்டம் நடத்துவதற்கு டில்லி மாநகராட்சி அனுமதி வழங்கி யுள்ளது.