ஓட்டுப்போடவில்லை என்ற காரணம் காட்டி துன்புறுத்துகிறார்கள்

ஓட்டுப்போடவில்லை என்ற காரணம் காட்டி துன்புறுத்தப்படுவதாக கிராம மக்கள் கலெக்டர், எஸ்.பியிடம் புகார் மனு அளித்தனர்.
கடலூர் ஒன்றியம் திருமானிக்குழி ஊராட்சிக்குட்பட்ட டி.புதுப்பாளையம் கிராமத்தை சேர்ந்த 300 க்கும் மேற்பட்ட பெண்கள் நேற்று காலை கடலூர் மாவட்ட கலெக்டர் அலுவலகம் முன்பாக திரண்டனர். அவர்கள் மாவட்ட கலெக்டர், எஸ்.பி.யிடம் புகார் அளித்தனர்.

பின்னர், அவர்கள் கூறியதாவது: இதுவரை அமைதியான முறையில் எந்த ஒரு பிரச்னையும் இல்லாமல் வாழ்ந்து வந்தோம். ஆனால் உள்ளாட்சி தேர்தல் முடிந்ததும் நாங்கள் ஓட்டளிக்கவில்லை என்று கூறி துன்புறுத்தப்படுகிறோம். புறக்கணிக்கப்படுகிறோம், அவமானப்படுத்தப்பட்டு வருகிறோம். 100 நாள் வேலைவாய்ப்பு வழங்கப்படுவதில்லை.
குடிதண்ணீர் நிறுத்தப்பட்டு விட்டது. எங்கள் பகுதிக்கு மின் விளக்கு வசதி தரப்படாமல் இருண்டு கிடக்கிறது.

நியாய விலைக்கடையில் அத்தியாவசிய உணவு பொருட்கள் மறுக்கப்படுகின்றன. எங்களுக்காக குரல் கொடுத்த முன்னாள் ஊராட்சி மன்றத் தலைவர் காசிநாதனை போலீசார் பொய் வழக்கில் கைது செய்துவிட்டனர். ஊரில் கள்ளச்சாராயம் பகிரங்கமாக விற்பனை செய்யப்படுகிறது. எனவே மாவட்ட கலெக்டரும், எஸ்.பி.யும் நேரில் எங்கள் கிராமத்துக்கு வந்து விசாரணை நடத்த வேண்டும். எங்களுக்கு உரிய பாதுகாப்பும், வேலை வாய்ப்பும் உரிமைகளும் கிடைக்கச் செய்யவேண்டும் என்று கோரிக்கை விடுத்தனர்.

போட்டாலும் கொடுமை போடாட்டாலும் கொடுமை தப்பிக்க வேற வழியே இல்லை