‘போராட்டத்தை கைவிடா விட்டால் இரும்புக்கரம் கொண்டு அடக்குவோம்’

by *சம்ஸ் Mon 26 Dec 2011 - 6:38

பிரதமர் அலுவலக இணை மந்திரி வி. நாராயணசாமி சனிக்கிழமை டில்லியில் இருந்து விமானம் மூலம் சென்னை வந்தார். விமான நிலையத்தில் அவர் நிருபர்களுக்கு பேட்டி அளித்த போது கூறியதாவது:- லோக்பால் மசோதா பாராளுமன்றத்தில் தாக்கல் செய்யப்பட்டு இருக்கிறது. அதன் மீது ஓட்டெடுப்பு நடத்தி பாராளுமன்றத்தில் தான் நிறைவேற்ற முடியும்.

ஒரு மசோதா பாராளுமன்றத்துக்குள் சென்று விட்டால், அதுபற்றி அரசியல் கட்சியினர் சொல்வதை வேண்டுமானால் பாராளுமன்றம் கேட்குமே தவிர, தனிப்பட்டவர்கள் சொல்வதை 5 பேர் கொண்ட ஒரு குழு சொல்வதை பாராளுமன்றம் கேட்காது. “அன்னா ஹசாரே போராட்டத்தை கைவிடா விட்டால் இரும்புக்கரம் கொண்டு அடக்குவோம்” என்று மத்திய மந்திரி நாராயணசாமி எச்சரிக்கை விடுத்தார்.