மைனர் பெண்ணுடன் பாலியல் உறவு கொள்வதை அவருடைய சம்மதத்தின் பேரில் நடந்ததாக கருத முடியாது

by **நேசமுடன் ஹாசிம்** Sat 31 Dec 2011 - 13:44

பதினாறு வயதுக்கு மேற்பட்டவர் என்பதற்காக மைனர் பெண்ணுடன் பாலியல் உறவு கொள்வதை அவருடைய சம்மதத்தின் பேரில் நடந்ததாக கருத முடியாது என்று மும்பை உயர் நீதிமன்றம் தீர்ப்பு அளித்துள்ளது.
ஏழாம் வகுப்பு படித்துக் கொண்டிருந்த ஒரு கிராமத்து மைனர் பெண், படிப்பை பாதியில் நிறுத்தி விட்டு வயல் வேலைக்கு சென்று கொண்டிருந்தார். அந்த கிராமத்துக்கு, டெலிவிஷன் டிஷ் அன்டெனா பொருத்துவதற்கு வந்த நாம்தேவ் கவாலி என்ற வாலிபருடன் அந்த பெண்ணுக்கு பழக்கம் ஏற்பட்டது.

கடந்த 2006 பிப்ரவரி 17ம் தேதி மாலையில் அந்த பெண் வயலுக்கு சென்று விட்டு வீடு திரும்பிக் கொண்டிருந்தார். அப்போது நாம்தேவ், அந்த பெண்ணை ஆற்றங்கரையில் பலாத்காரம் செய்ததாக குற்றம் சாட்டப்பட்டது. போலீசார் வழக்கு பதிவு செய்து நாம்தேவை கைது செய்தனர். இந்த வழக்கில் நாம்தேவுக்கு 10 ஆண்டு சிறைத் தண்டனை விதித்து செசன்ஸ் நீதிமன்றம் தீர்ப்பு அளித்தது.

நாம்தேவ் இந்த தீர்ப்பை எதிர்த்து மும்பை உயர் நீதிமன்றத்தில் அப்பீல் செய்தான். இந்த வழக்கு நீதிபதி ஆர்.சி.சவான் முன்னிலையில் விசாரணைக்கு வந்தது. அப்போது மனுதாரர் சார்பில் ஆஜரான வழக்கறிஞர் அர்பான் சேட் கூறுகையில், “பாதிக்கப்பட்ட அந்த மைனர் பெண் அவருடைய பெற்றோரின் கண்டிப்பையும் மீறி நாம்தேவை அடிக்கடி சந்தித்து வந்திருக்கிறார்.

மைனர் பெண்ணின் மருத்து பரிசோதனை அறிக்கையில், கட்டாயப்படுத்தி பலாத்காரம் செய்ததற்கு அறிகுறியாக காயம் எதுவும் இல்லை என்று கூறப்பட்டுள்ளது. எனவே மைனர் பெண்ணின் சம்மதம் பேரிலேயே உடலுறவு நடந்துள்ளது. மைனர் பெண்ணை இரண்டு டாக்டர்கள் பரிசோதித்தனர். அவர்களும்கூட அவர் பலாத்காரம் செய்யப்பட்டதற்கான அறிகுறி இல்லை என்றும், அந்த பெண் அவ்வப்போது உடலுறவில் ஈடுபட்டு வந்ததாகவும் நீதிமன்றத்திலேயே தெரிவித்து இருக்கிறார்கள். சிறுமியின் பெற்றோர், இந்த வழக்கில் நாம்தேவை தவறாக சேர்த்து விட்டனர்Ó என்றார்.

அப்போது நீதிபதி சவான், “நாம்தேவின் நடவடிக்கையை எதிர்த்ததாக மைனர் பெண் கூறியிருப்பதால், குற்றவாளியால் அவர் பலாத்காரத்துக்கு உட்படுத்தப்பட்டிருக்கிறார் என்றுதான் கருத முடியும். அந்த பெண்ணுக்கு 16 வயதுக்கு மேல் ஆகிவிட்டது என்பதற்காக அவருடைய சம்மதம் பேரிலேயே உடலுறவு நடந்ததாகவும் கருத முடியாதுÓ என்று கூறினார்.

எனினும் செசன்ஸ் நீதிமன்றம் நாம்தேவுக்கு 10 ஆண்டு சிறைத் தண்டனை வழங்கி இருக்கக்கூடாது என்று கூறிய நீதிபதி, அவனுக்கு வழங்கப்பட்ட தண்டனையை 5 ஆண்டாக குறைத்தார். 2006ல் கைது செய்யப்பட்ட நாம்தேவ் ஏற்கனவே ஐந்து ஆண்டுகளை சிறையில் கழித்து இருப்பதால் அவனை சிறையில் இருந்து விடுதலை செய்யும்படி நீதிபதி உத்தரவிட்டார்.

by **gud boy** Sat 31 Dec 2011 - 17:32

தண்டனை இந்த 2 நாய்க்கும் கொடுக்கணும்..முட்டாள் தன்மான தீர்ப்பு.

மைனர் பெண்ணுடன் பாலியல் உறவு கொள்வதை அவருடைய சம்மதத்தின் பேரில் நடந்ததாக கருத முடியாது

மைனர் பெண்ணுடன் பாலியல் உறவு கொள்வதை அவருடைய சம்மதத்தின் பேரில் நடந்ததாக கருத முடியாது

Re: மைனர் பெண்ணுடன் பாலியல் உறவு கொள்வதை அவருடைய சம்மதத்தின் பேரில் நடந்ததாக கருத முடியாது