மனைவியை கிண்டல் செய்த தகராறு தேமுதிக பிரமுகர் வெட்டி கொலை

une 4th, 2012 அன்று பிரசுரிக்கப்பட்டது.


மேற்கு மாம்பலம் காந்தி தெருவை சேர்ந்தவர் சிவா (32). ஆட்டோ டிரைவர். 135வது வட்ட தேமுதிக இளைஞர் அணி துணை செயலாளராக இருந்தார். இவருக்கு அனு (20) என்ற மனைவியும், ஒரு வயதில் வெற்றி, குமுதேஷ் என்ற கைக்குழந்தையும் உள்ளனர். அதே பகுதியை சேர்ந்த சகோதரர்கள் பாண்டு (30), ரமேஷ் (29), சுரேஷ் (28), பிரகாஷ் (27). டிரைவர்கள். மேற்குமாம்பலம் ரயில் நிலையம் பின்புறம் உள்ள மார்க்கெட் பகுதியில் உள்ள ஆட்டோ நிறுத்தும் இடத் தில் தங்களது ஆட்டோ, வேன், காரை நிறுத்தி இருப்பார்கள்.

இந்த வாகனத்தில் அருகே உள்ள தனியார் பள்ளி மாணவர்களை காலையும் மாலையும் ஏற்றிச் செல்வார்கள். அதே ஆட்டோ நிறுத்தத்தில் சிவா தனது ஆட்டோவை நிறுத்தி இருப்பார். இதில், சிவாவுக்கும் ரமேஷ் சகோதரர்களுக்கும் இடையே தகராறு ஏற்பட்டது. கடந்த 3 மாதத்துக்கு முன்பு சிவாவின் மனைவி அனு ஆட்டோ நிறுத்தம் வழியாக வீட்டுக்கு சென்று கொண்டிருந்தார். அப்போது, சகோதரர்கள் 4 பேரும் அவரை கிண்டல் செய்தனர்.

இதனை தனது கணவரிடம் அவர் அழுது கொண்டே தெரிவித்தார். இதுகுறித்து சகோதரர்களிடம் சிவா கேட்டார். இதில், இரு தரப்புக்கும் இடையே மோதல் ஏற்பட்டது. போலீசார் இதனை சமாதானம் செய்தனர். இருப்பினும் அது முன்விரோதமாக மாறியது.

இந்நிலையில், அனு அருகில் உள்ள பெற்றோர் வீட்டுக்கு நேற்று 3 மணி அளவில் சென்று விட்டார். சிவா ஆட்டோ ஓட்டி விட்டு மதியம் வீட்டில் சாப் பிட்டுக் கொண்டு இருந்தார். அவர் தனியாக இருப்பதை அறிந்த சகோதரர்கள் 4 பேரும் ஆட்டோவில் சிவா வீட்டுக்கு சென்றனர். தாங்கள் மறைத்து வைத்திருந்த அரிவாள், கத்தி, உருட்டுக் கட்டை போன்ற பயங்கர ஆயுதங்களால் சாப்பிட்டுக் கொண்டு இருந்த சிவாவை வீட்டை விட்டு வெளியே இழுத்து ஆட்டை அறுப்பது போல் தலையை அறுந்தனர். ஆத்திரம் தீராததால் உடல் முழுவதும் சரமாரியாக வெட்டினர். இதில் சிவா சம்பவ இடத்திலேயே இறந்தார். அலறல் சத்தம் கேட்டு அக்கம்பக்கத்தினர் திரண்டனர். அருகில் கிரிக்கெட் விளையாடிக் கொண்டிருந்த நண்பர்களும் விரைந்தனர். அதற்குள் பாண்டு, ரமேஷ், சுரேஷ், பிரகாஷ் ஆகிய 4 பேரும் தப்பி ஓடிவிட்டனர். இதுகுறித்து, அசோக்நகர் போலீசாருக்கு தகவல் கொடுக்கப்பட்டது. அவர்கள் விரைந்து சென்று சிவா உடலை மீட்டு பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். தலைமறைவாக உள்ள சகோதரர்களை பிடிக்க தனிப்படை அமைக்கப்பட்டுள்ளது.