மதுபான பாரில் நடந்த அடித்தடியில் தலையில் காயம்: கோமாவில் நியூசிலாந்து வீரர் ரைடர்

by **Muthumohamed** Thu 28 Mar 2013 - 20:23

நியூசிலாந்து கிரிக்கெட் அணியின் முன்னணி பேட்ஸ்மேன்களில் ஒருவர் ஜேசி ரைடர். இடதுகை பேட்ஸ்மேனான ரைடர் சர்ச்சைகளில் சிக்கி கொள்வது வாடிக்கை. பல்வேறுமுறை ஒழுங்கீனமாக நடந்து கொண்டு நியூசிலாந்து கிரிக்கெட் வாரியத்தால் நடவடிக்கை எடுக்கப்பட்டு இருக்கிறார். பல்வேறு முறைஅவர் குடிபோதையில் ரகளையில் ஈடுபட்டு இருக்கிறார்.
ரைடர் உள்ளூர் போட்டிகளில் விளையாடி விட்டு மதுபான பாரில் சக வீரர்களுடன் இருந்தார். மதுபான பாரில் டைருக்கும் அங்கு இருந்த சிலருக்கும் தகராறு ஏற்பட்டதாக கூறப்படுகிறது. இதில் 4 பேர் சேர்ந்து அவரை சரமாரியாக அடித்து உதைத்தனர். இந்த அடித்தடியில் ரைடரின் மண்டை ஓடு உடைந்தது.
இதைத்தொடர்ந்து கிறிஸ்ட் சர்ச் நகரில் உள்ள மருத்துவமனையில் ரைடர் அனுமதிக்கப்பட்டார். அவரதுஉடல்நிலை மிகவும் கவலைக்கிடமாக உள்ளது. அவர்மயக்க நிலையில் கோமாவில் தான் உள்ளார். அவருக்கு தீவிர சிகிச்சை அளிக்கப்பட்டு வருகிறது. சம்பவம் பற்றி கேள்விப்பட்டதும் ரைடரின்குடும்பத்தினர் வெலிங்டனில் இருந்து அவரசமாக கிறிஸ்ட் சர்ச்
புறப்பட்டு சென்றனர்.

28 வயதான ரைடர் சர்வதேச போட்டிகளில் விளையாடுவதில்இருந்து ஒதுங்கி இருந்தார். கடைசியாக கடந்த ஆண்டு பிப்ரவரி மாதம் தென் ஆப்பிரிக்காவுக்கு எதிரானஒருநாள் போட்டியில் விளையாடினார். ஆனால் ஐ.பி.எல்.போட்டியில் விளையாடுவதை ரைடர் ஆர்வமாக கொண்டு இருந்தார்.கடந்த சீசனில்
அவர் புனே வாரியர்ஸ் அணியில் விளையாடினார். தற்போது நடைபெற இருக்கும் 6-வது ஐ.பி.எல். போட்டியில் அவர் டெல்லி டேர்டெவில்ஸ் அணிக்கு விளையாட ஒப்பந்தமாகி இருந்தார். அவரை அந்த அணி ரூ.1.37 கோடிக்கு ஏலத்தில் எடுத்து இருந்தது.
-
மாலை மலர்