இந்திய பாராளுமன்ற குழு நாளை இலங்கை வருகிறது

இந்திய பாராளுமன்ற குழு நாளை இலங்கை வருகிறது: வடக்கிற்கு விஜயம்: முக்கிய தலைவர்களுடன் பேச்சு
இந்தியப் பாராளுமன்றத்தைச் சேர்ந்த அனைத்துக் கட்சிப் பாராளுமன்றக் குழு வொன்று நாளை இலங்கை வரவுள்ளது. காங்கிரஸ் கட்சி, பாரதீய ஜனதாக் கட்சி, திரிணாமுல் காங்கிரஸ் ஆகிய கட்சிகளைச் சேர்ந்த 6 பேர் கொண்ட குழுவே இலங்கை வரவுள்ளது.

இலங்கை வரும் இக்குழுவினர் கொழும்பு மற்றும் யாழ்ப்பாணம் ஆகிய பிரதேசங்களுக்கு விஜயம் செய்யவுள்ளனர். இந்திய வர்த்தக மற்றும் கைத்தொழில் சம்மேளனம் இதற்கான ஏற்பாடுகளை செய்துள்ளது.

நாளை திங்கட்கிழமை இலங்கை வரும் இக்குழுவினர் எதிர்வரும் 12ஆம் திகதி வரை இலங்கையில் தங்கியிருப்பர். கொழும்பில் சிரேஷ்ட அரசியல் தலைவர் களைச் சந்திக்கவிருக்கும் இந்தியப் பாராளுமன்றக் குழுவினர், யாழ்ப் பாணத்துக்குச் சென்று அங்கு இந்திய அரசாங்கத்தின் உதவியுடன் முன்னெடுக்கப்படும் வேலைத்திட்டங்களை நேரில் பார்வையிடவுள்ளனர்.

இந்திய பாராளுமன்றக் குழுவினருடன் இந்திய வர்த்தக மற்றும் கைத்தொழில் சம்மேளனத்தின் பிரதிநிதிகள் இருவரும் இலங்கை வரவுள்ளனர்.

கடந்த காலங்களில் நேபாளம், ஆப்கானிஸ்தான், பாகிஸ்தான் மற்றும் பங்களாதேஷ் ஆகிய நாடுகளுக்கும் இந்தியப் பாராளுமன்றக் குழுவினர் இவ்வாறான விஜயத்தை மேற்கொண்டி ருந்ததாக இந்திய வர்த்தக மற்றும் கைத்தொழில் சம்மேளனத்தின் பாராளுமன்றக் குழுவின் பிரதிநிதி தெரிவித்துள்ளார்.

:# :#