சாம்பியன்ஸ் கோப்பை கிரிக்கெட்: தென்ஆப்பிரிக்கா-பாகிஸ்தான் இன்று மோதல்

by *சம்ஸ் Mon 10 Jun 2013 - 6:29

பர்மிங்காம், ஜூன்.10-

சாம்பியன்ஸ் கோப்பை கிரிக்கெட்டில் இன்று நடக்கும் முக்கியமான லீக் ஆட்டத்தில் தென்ஆப்பிரிக்கா-பாகிஸ்தான் அணிகள் சந்திக்கின்றன.

8 அணிகள் பங்கேற்றுள்ள 7-வது சாம்பியன்ஸ் கோப்பை கிரிக்கெட் போட்டி இங்கிலாந்தில் நடந்து வருகிறது. அணிகள் இரு பிரிவாக பிரிக்கப்பட்டுள்ளன. 'ஏ' பிரிவில் நடப்பு சாம்பியன் ஆஸ்திரேலியா, இங்கிலாந்து, இலங்கை, நியூசிலாந்து அணிகளும், 'பி' பிரிவில் இந்தியா, தென்ஆப்பிரிக்கா, பாகிஸ்தான், வெஸ்ட் இண்டீஸ் அணிகளும் இடம் பெற்றுள்ளன.

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் இரு பிரிவிலும் முதல் இரு இடங்களை பிடிக்கும் அணிகள் அரைஇறுதிக்கு தகுதி பெறும்.

இந்த நிலையில் பர்மிங்காமில் இன்று (திங்கட்கிழமை) நடைபெறும் 5-வது லீக் ஆட்டத்தில் 'பி' பிரிவில் அங்கம் வகிக்கும் தென்ஆப்பிரிக்கா- பாகிஸ்தான் அணிகள் பலப்பரீட்சையில் இறங்குகின்றன.

தென்ஆப்பிரிக்க அணி தனது தொடக்க ஆட்டத்தில் 26 ரன்கள் வித்தியாசத்தில் இந்தியாவிடமும், பாகிஸ்தான் 2 விக்கெட் வித்தியாசத்தில் வெஸ்ட் இண்டீசிடமும் தோற்று இருந்தது. இதனால் இவ்விரு அணிகளுக்கும் இது வாழ்வா-சாவா? மோதலாகும்.

இதில் தோற்றால் ஏறக்குறைய வெளியேற வேண்டியது தான். இதனால் இரு அணிகளும் முழு திறமையை தென்ஆப்பிரிக்க அணியில் காயம் காரணமாக வேகப்பந்து வீச்சாளர் ஸ்டெயின் இந்த ஆட்டத்தில் ஆட்டமாட்டார்.

இந்திய நேரப்படி மாலை 5.30 மணிக்கு தொடங்கும் இந்த ஆட்டத்தை ஸ்டார் கிரிக்கெட் சேனல் நேரடி ஒளிபரப்பு செய்கிறது.