திருப்பதியில் மீண்டும் பக்தர்கள் கூட்டம் அதிகரிப்பு: வி.ஐ.பி. தரிசனம் நிரந்தரமாக ரத்து

by *சம்ஸ் Sun 16 Jun 2013 - 9:45

இமெயில்

திருப்பதியில் மீண்டும் பக்தர்கள் கூட்டம் அதிகரிப்பு: வி.ஐ.பி. தரிசனம் நிரந்தரமாக ரத்து Print

பிரதி

திருப்பதியில் மீண்டும் பக்தர்கள் கூட்டம் அதிகரிப்பு: வி.ஐ.பி. தரிசனம் நிரந்தரமாக ரத்து Cf7e7853-8363-4c05-b300-e9927db5908d_S_secvpf

நகரி, ஜூன் 16-

திருப்பதி ஏழுமலையான் கோவிலில் கோடை விடுமுறையை முன்னிட்டு பக்தர்கள் கூட்டம் அலைமோதியது. விடுமுறை முடிந்து பள்ளிகள் திறக்கப்பட்டதால் திருப்பதியில் பக்தர்கள் கூட்டம் குறைந்தது.

இந்த நிலையில் சனிக்கிழமையான நேற்று திருப்பதியில் மீண்டும் பக்தர்கள் கூட்டம் அலைமோதியது. தர்ம தரிசன கவுண்டரில் அனைத்து கம்பார்ட்மெண்டுகளும் நிரம்பிய நிலையில் கோவிலுக்கு வெளியே 4 கிலோ மீட்டர் தூரத்துக்கு பக்தர்கள் வரிசையில் காத்து நின்றனர்.

பாதயாத்திரையாக வந்த பக்தர்கள் 3 கிலோ மீட்டர் தூரம் வரிசையில் நின்றனர். தரிசனத்துக்கு 32 மணி நேரம் ஆகிறது என்பதால் வரிசையில் நிற்கும் பக்தர்களுக்கு மறுநாள்தான் தரிசனம் கிடைக்கும் என கோவில் சார்பிலேயே அறிவிக்கப்பட்டது. கட்டுக்கடங்காத பக்தர்கள் வருகையால் 300 ரூபாய் சிறப்பு கட்டண வரிசை நிறுத்தப்பட்டது. கால் நடையாக வந்த பக்தர்கள் இன்று காலையில்தான் தரிசனத்துக்கு அனுமதிக்கப்பட்டனர்.

இன்றும் திருப்பதியில் பக்தர்கள் கூட்டம் அதிகமாக காணப்பட்டது. பக்தர்கள் கூட்டம் அதிகமாக இருந்ததால் வியாழக்கிழமை தவிர மற்ற நாட்களில் இரவு நேர வி.ஐ.பி. தரிசனம் கடந்த 1 மாதமாக ரத்து செய்யப்பட்டு இருந்தது. இதனை நிரந்தரமாக அமுல்படுத்த நேற்று நடந்த அறங்காவலர் குழு கூட்டத்தில் முடிவு செய்யப்பட்டது.

வி.ஐ.பி. தரிசனத்தை ரத்து செய்வதால் கூடுதலாக 15 ஆயிரம் முதல் 20 ஆயிரம் பக்தர்கள் தரிசனம் செய்ய முடியும் என்று அறங்காவலர் குழு தலைவர் கனிமுதிபாபி ராஜு தெரிவித்தார்.