ஐ.நா. மனித உரிமைகள் ஆணையாளராக சையத் அல் ஹுசைன்

ஐ.நா. மனித உரிமைகள் ஆணையாளராக சையத் அல் ஹுசைன்

ஐக்கிய நாடுகள் மனித உரிமைகள் பேரவையின் புதிய ஆணையாளராக ஜோர்தான் நாட்டைச் சேர்ந்த இளவரசர் சையத் அல் ஹுசைன் நேற்றுப் பொறுப்பேற்றுக் கொண்டார். ஐக்கிய நாடுகள் பொதுச் சபை கடந்த ஜுன் மாதம் 16ம் திகதி வழங்கிய ஒப்புதலுக்கு அமைய இவர் தனது கடமைகளைப் பொறுப்பேற்றுக் கொண்டார்.
இவர் ஐக்கிய நாடுகள் மனித உரிமைகள் பேரவைக்கு தலைமைப் பொறுப்பேற்றிருக்கும் 7 வது ஆணையாளராவார். இந்தப் பதவிக்கு நியமிக்கப்பட்ட முதலாவது ஆசிய பிராந்தியத்தைச் சேர்ந்த முஸ்லிம் என்ற பெருமையையும் இவர் பெற்றுள்ளார்.
நியூயொர்க்கிலுள்ள ஐக்கிய நாடுகள் சபைக்கான ஜோர்தானின் நிரந்தர வதிவிடப் பிரதிநிதியாக கடந்த 2010ம் ஆண்டு முதல் இந்தப் பதவியை ஏற்கும் வரை செயற்பட்டு வந்தார். அதற்கு முன்னர் அமெரிக்காவுக்கான ஜோர்தான் தூதுவராகவும் பணியாற்றியிருந்தார்.
ஐக்கிய நாடுகள் மனித உரிமைகள் ஆணையாளராக பணியாற்றிய நவநீதம் பிள்ளை நேற்று முன்தினம் பதவி விலகியிருந்தமை குறிப்பிடத்தக்கது.

தினகரன்

ஓ! வாழ்த்துகள்

நல்லதே நடந்தால் சரி!

மன்னர் வழி வந்தவருக்கு மக்களின் மனக்குறைகள் உரிமைகள் குறித்த உணர்வுகள் புரியுமோ?

Nisha wrote:ஓ! வாழ்த்துகள்

நல்லதே நடந்தால் சரி!

மன்னர் வழி வந்தவருக்கு மக்களின் மனக்குறைகள் உரிமைகள் குறித்த உணர்வுகள் புரியுமோ?

சரியாக கேட்டிங்க இதே கேள்விதான் நானும் கேட்கிறேன் !_

யாரிடம் போய் கேட்பதாம்?

Nisha wrote:யாரிடம் போய் கேட்பதாம்?

எனக்குள்ளே நானே கேட்டுக்கொண்டேன் இப்போது உங்களிடம் கேட்கிறேன்