கப்பல், படகுகளுக்கு பிரியாவிடை…!

by **rammalar** Sat 26 Mar 2016 - 9:58

-
–
இந்திய கடலோரக் காவல் படையின் கிழக்கு
பிராந்தியத்தில் பணியாற்றிய ராஜ்கமல் எனும்
ரோந்துக் கப்பல், 6 இடைமறிக்கும் அதிவேகப்
படகுகள் (Interceptor Boats) ஆகியன
அந்தமான், நிகோபர் பிராந்தியத்தில் கண்காணிப்புப்
பணியில் ஈடுபடுத்தப்பட உள்ளன.
–
சென்னை துறைமுகத்தில் வெள்ளிக்கிழமை நடை
பெற்ற வழியனுப்பு நிகழ்ச்சியின்போது, ரோந்துக் கப்பல்,
படகுகள் வரிசையாக அணிவகுத்து நிறுத்தப்பட்டிருந்தன.
–
இந்தக் கப்பல்களில் இருந்த வீரர்கள், அதிகாரிகளை
கிழக்கு பிராந்திய டி.ஐ.ஜி தல்கா பாராட்டினார். பின்னர்
வாத்தியங்கள் இசைக்கப்பட்டு, கப்பல், படகுகள்
ஒவ்வொன்றாகப் புறப்பட்டுச் சென்றனர்.
–
இதுகுறித்து தல்கா செய்தியாளர்களிடம் கூறியது:-
–
கடலோரக் காவல்படையை வலுப்படுத்தும் பணியிலும்,
அந்தமான், நிகோபர் பகுதியை அனைத்து வகை சட்ட
விரோதச் செயல்களிலிருந்து பாதுகாக்கும் வகையிலும்
சிறப்பு பாதுகாப்புத் திட்டத்தை பாதுகாப்பு அமைச்சகம்
செயல்படுத்தி வருகிறது.
–
இதன்படி, ரோந்துக் கப்பல், படகுகள் பணியாற்றும்
வீரர்களுடன் அனுப்பி வைக்கப்பட்டுள்ளன.
இந்தக் கப்பலுக்குப் பதிலாக ஆர்ன்வேஷ் என்ற
ரோந்துக் கப்பல் கிழக்கு பிராந்தியத்துக்கு வந்து சேர்ந்து
விட்டது.
–
இப்போது கடலோரக் காவல் படையில் சுமார்
120 ரோந்துக் கப்பல்கள் உள்ளன. இப்போது
கட்டமைக்கப்பட்டு வரும் 20 புதிய கப்பல்கள் விரைவில்
காவல் படையில் இணைக்கப்பட உள்ளன.
–
எனவே, மேலும் புதிய கப்பல்கள் கிழக்குப் பிராந்தியத்துக்கு
விரைவில் வந்து சேரும் என்றார்.
–
———————-
தினமணி

by **பானுஷபானா** Sat 26 Mar 2016 - 14:46

செய்தி பகிர்வுக்கு நன்றீ

கப்பல், படகுகளுக்கு பிரியாவிடை…!

கப்பல், படகுகளுக்கு பிரியாவிடை…!

Re: கப்பல், படகுகளுக்கு பிரியாவிடை…!